【貝遊日本】大阪美食推介－六甲燒肉放題

位於心齋橋後段位置，如果由跑步人位置作起點，只要一直行，見到GU就轉去右手邊行多陣就會見到！

就係呢一間啦～！

六甲燒肉係放題形式嘅燒肉店，即係一個價錢任食啦，我最鍾意就係任食架啦XD，佢有3個價錢嘅套餐，
分別係A PLAN：2300YEN
B PLAN：2800YEN
C PLAN：3300YEN
3個PLAN都係2小時任食！
MENU詳細比較：http://yakiniku-rokko.jp/menu%20ch.html

咁我一場黎到緊係揀食一個最貴嘅PLAN C，同PLAN A，B唔同，只有呢個PLAN有特選日本牛五花肉！

另外我再加多500YEN叫多一份牛舌（無錯，任食係冇得叫牛舌的T＾T）

另外如果想飲野可以加錢加多個飲品放題，
A PLAN＋1350YEN
B PLAN＋1150YEN
C PLAN＋1050YEN
佢啲飲品選擇都幾多，而且可以半杯半杯咁上添呀！

但係我因為知道自己飲唔到咁多，同埋發現去六甲燒肉個網有一個COUPON，只要用電話SHOW一SHOW比職員睇，就可以免費一杯飲料，所以我地就決定咁樣免費飲一杯算，2個人就分別叫左啤酒同燈汁。
COUPON：http://yakiniku-rokko.jp/chcoupon.html

燒肉配啤酒是常識吧，不過我無常識，其實我都係飲橙汁咋！XD

我發覺有一樣最重要嘅野未講，就係服務我地嘅職員係識講！！廣東話！！我黎日本咁多次都係第一次遇見識講廣東話嘅侍應，所以非常有親切感，同埋我真係要高度讚揚佢，佢服務態度好好，除左會逐一介紹唔同嘅肉類比我地之外，又會主動幫我地影相同埋見我地就快飲晒杯飲品，主動問我地要唔要水；同埋最後由於我食得太慢，差啲撘唔到尾班地鐵，佢同其他職員好熱心咁幫我搵仲有咩車返酒店，所以真係好窩心呀！

一開始佢會每人每份肉都比2塊你試先，咁我唔想食內藏，所以就冇叫佢比，我覺得咁樣好好，首先每樣比2塊我地試下個味道睇下岩唔岩食，唔會一開始就比成碟，一陣唔岩食點算喎。
圖中有：牛里脊肉,牛肋排肉,牛肚肉,豬五花肉,豬頸肉,豬里脊肉,雞肉同羊肉

特選日本牛五花肉另外上

尼個係罐醃牛肋排肉

加左500YEN先有嘅牛舌

然後開始燒燒燒

經過一輪試食之後，我覺得牛舌同特選日本牛五花肉係無得輸，肉嘅品質非常好，不過牛舌冇得任食T＾T
然後牛肚肉同罐醃牛肋排肉都好正，所以我之後都係主打拎特選日本牛五花肉，牛肚肉同罐醃牛肋排肉！

燒肉緊係要配醬汁，主要分左醬油汁同味增汁。

除左肉類之外，呢道嘅小食都好好味，好似呢碗海帶湯好清甜！

仲有薯仔沙津同泡菜真係十級好味，個泡菜我覺得仲好味過我係韓國食個啲哈哈。

最後可以每人揀一個甜品，
甜品選擇：
1.抹茶雪糕
2.雲呢拿雪糕
3.柚子雪葩
4.荔枝雪葩

咁我身為綠茶控當然就係揀綠茶雪糕！綠茶味重，正！

店內環境：
店舖唔大，分左2層，圖中為2樓位置，感覺遊客集中坐在2樓，因為分別聽到廣東話，國語及英文的聲音XD

《六甲燒肉》餐廳資訊：
地址：大阪府大阪市中央區東心齋橋2-7-29　
開放時間：17：00～23：00（
電話：06-6211-8265
COUPON：http://yakiniku-rokko.jp/chcoupon.html

溫馨提示：如果想食嘅話最好預先BOOK位，因為位置唔算好多，好多時都好FULL，你可以中午時份WALK IN去BOOK，又或者打電話去，老闆識講流利英文，所以唔駛擔心！