有睇過我介紹黑門市場必食推介嘅朋友都有留意到我最後冇推介海膽比大家係因為發覺一山還有一山高，個一山就係北海道啦！！
四面環海嘅北海道，最豐盛嘅美食莫過於新鮮海產。北海道咁大當然有好多海鮮市場啦，今日首先我要向大家推介嘅就係小樽嘅三角市場啦！
▼要去三角市場交通非常方便，係正小樽站一出嘅左手邊！行幾步就到！
▼三角市場非常細小，其實只有一條窄窄嘅街，但非常乾淨衛生，2邊都係海鮮檔，當中有3間食店網上有好多推介。
▼第1間係呢間武田鮮魚店, 係3間推介最大嘅一間，選擇亦都係最多～
▼另外仲有呢間滝波食堂，呢間我真係有朋友食過大讚好味，佢地話三文魚子同蝦係必食！
▼但我最後揀左呢一間「あい田食堂」，呢間同頭先個2間有好大分別，佢係關埋門做生意，而且入面係冇人食（其餘2間入面都好多人食），我諗係因為佢外表唔夠剛才2間貼晒圖咁吸引，所以遊客們都好容易忽略左佢，我都差啲MISS左～
我揀呢一間嘅原因係因為呢間網上都有人推介，咁係3間都有人推介嘅情況下，我就想揀一間地道啲，屋企啲嘅食店試下啦
。一入三角市場右手邊第二間就係！
。一入三角市場右手邊第二間就係！
▼門口出面放左部分海鮮食材，即叫即開。
▼入到去好細，只有一排L型BAR枱，而且只有2個職員，就係呢個婆婆同妹妹。
▼好多卡通小擺設，感覺好似去左日本人屋企咁
▼食物選擇絕對冇武田同滝波咁多，亦都冇中文MENU。
▼最後揀左呢個海膽帶子飯，價錢都唔平架！（2800YEN）
▼同一個平價嘅鮭他人丼（1000YEN）
▼落左ORDER之後，婆婆即刻出門口揀帶子同去門口海鮮店拎海膽，全部即叫即開！
▼呢個就係海膽帶子丼嘅SET
▼你睇下啲海膽幾咁靚，好新鮮好甜！
我想話你地知，當你食過北海道嘅海膽，你一定會反問自己究竟之前食過嘅海膽係乜野黎！？
甜而不腥嘅海膽係我嘅生命中只有北海道出現過，小樽呢道食到，之後係函館都食到（我真係好掛住你呀海膽
）
）
▼人間銷魂美食
，但係如果想食最好味嘅海膽，5,6月要再黎，因為5-6月是海膽的季節，個時嘅海膽係最好味架！！
，但係如果想食最好味嘅海膽，5,6月要再黎，因為5-6月是海膽的季節，個時嘅海膽係最好味架！！
▼至於帶子都好好味，超級新鮮！但係同我地平時香港食到嘅帶子刺身口感唔同，唔係個啲彈牙QQ口感，偏向爽口少少，我唔係好識形容
▼呢間食店真係令我覺得置身係日本人屋企嘅另一原因就係佢啲小食好家庭式，唔似平時餐廳食到嘅感覺。
▼飯後果超甜的說！
▼呢個就係鮭他人丼，見到個鮭字都知係關三文魚事～
▼呢個都好好味，但同海膽相比係不值一提
▼超滿足咁食晒全部野～
▼食晒全部野成間店都仲係得我地2個客人，所以我覺得自己真係置身係日本人嘅屋企咁，仲可以一邊食一邊睇電視，個電視仔仲好有壞舊味道，期間電視播緊啲搞笑節目，我地仲全部一齊大笑，真係好溫馨好有家的感覺
▼店內仲吊住左好多魚乾，搞笑
▼食完野就比錢走人繼續覓食啦～
▼三角市場除左有食店之外，仲有好多海鮮檔，全部價錢都好相宜！
▼而且仲有即劏即食嘅海鮮提供～
▼當然要試下呢道嘅生蠔啦！
▼300YEN一隻，叫左2隻，你睇下幾大隻幾肥美！！！
▼生蠔已順利放入口中，睇我表情都知有幾滿足啦
滿足到我回程個時（16:30）都專登回頭再食多2隻！！實在太好味太新鮮啦！！又肥又大隻而且完全冇腥味架！
好多書同網上文章都撰寫過一啲類似」人生必做的10件事」，」不做會後悔的10件事」嘅文章，當我去完北海道之後，我絕對覺得人生其中一樣必做嘅事係去北海道食海鮮刺身！！
小樽三角市場
地址：日本〒047-0032 Hokkaido Prefecture, Otaru, 稲穂3丁目10-16
開市時間：06:00-17:00 （全年無休）
食店開放時間：07:00-17:00（全年無休）
網址：http://otaru-sankaku.com/
About Post Author
