而家係3月6日，星期日，日本時間02 ：45。
由於係Facebook出post，話過係香港時間夜晚12點前有100個like，我就會親身去到現場靈探！
唔洗半個鐘已經夠數，我就換衫出門口，其實我好眼訓。
睇下我眼神幾兇狠！就知我幾怨恨～
我講得出做得到！出發！
希望大家包容下我，新手第一次拍片，真係咩都唔識！
唔識點拍，又收唔到音，舒咪媽腥！
我而家係下面打返d字，講返我係段入面up咩！
首先，我要經JR站穿過去東口到～
平時又唔見你地俾like我，今次一講話靈探就爆哂like！
我都知你地好中意蝦我，睇我中伏架喇～～
出門大約係日本時間1點鐘！
我睇Facebook，發現已經超過200個like！你地班友仔丫！
好啦！唔講喇！我要Google Map！因為我頭先又當失路～
終於出左車站喇，呢到係東口，發現原來都幾遠下。
我都唔知一間會發生咩事架…
萬一如果真係有事………………………………
我都唔知可以點好，不過我呢d人渣應該唔會咁早死既！哈哈哈！
唔講喇！再Google Map先！
（我而家睇返片，先發現身後兩條友係到揮手XDD）
過左馬路喇，咁發現條街都無咩人既，都幾靜。
大家睇下，真係無咩人，除左身後果個。
咁見到有地圖，我地睇下Sun Shine City係邊先～
咁應該轉彎就到架喇，咁近！？
有d驚tim！舒咪媽腥！
（舉手）講左粗口，不過我又唔係靚女有咩所謂！係咪？
好，終於見到Sun Shine City喇！
大家睇下～～～～yeah～～～～
咁企太近，未必影到，我地等過馬路去對面影啦！
（企定定傻笑）咦！？等左咁耐都係紅燈既！？
我真係無諗過你地會俾like我，而我又黎lo～
好！我地睇下先，其實條街都幾多人行架～
仲有間牛肉飯店，不過我介左食牛lu～
好！到左正中間，其實都幾驚！
我地又睇下，咁條街都幾多人！幾多車行，都幾嘈！
好啦！我企係個角位，拍下俾大家睇！
我講得出做得到架！找數！
咁好啦！我係到表演唱歌俾大家聽！
（360度低抄）「明月吐光，陰風吹柳巷，是女鬼覓愛郎，誰人願愛～～～～～」
岩岩有架單車經過，不過無嚇親～
好啦！我地行返過去啦！
（我都唔太記得自己講咩）
咁其實大家既留言呢，我係有睇，有時間我一定會回既！
你地留言俾我，我係好開心架！
希望大家支持下我啦！
咁頭先睇到個留言話咩生人唔生膽，無鬼用，咁真係無鬼俾我用喎！
一直以黎，膽量挑機，都有人留言話唔好嚇自己，邊有鬼！
你無見過，唔代表無！唔代表就無存在！
（手指指）你夠無見過恐龍啦！咁你又信有恐龍？
點都好，我都係咁諗，中國人都可以上太空，呢個世界有鬼又有幾出奇？
咁我地就行返過對面啦，企正門口影啦！
費時又有人話我吹水，去第二到扮野去到現場！
（行到門口，身後有大叔經過）喇！我真係到左現場喇！Yeah！
我地行下先～唔知點解過到黎而家條街就無哂人，好靜！
咁行左咁耐都無咩野丫，哈哈！
希望大家俾個like我啦！支持下我啦！
咁我下次有機會再拍片俾大家睇！
希望大家繼續支持我，支持Like Japan！
Like 我！Like Like Japan！
byebye～～
舒咪媽睡，我白痴仔咁拍片，搞到收唔到聲。
成條片好似靜音咁，可能好悶，但希望大家都支持我！
因為我真係咩都唔識，但我會繼續努力架！
我份人講野好直，有時講下粗口～
可能你覺得我好串，但我只係有個句講個句。
再講，明明我就成日俾你地蝦！成日想睇我中伏後個衰樣！
哈哈！仲唔嚇返你地報仇XDDD
貞子就見唔到喇！咩鬼都無！淨係得我呢隻衰鬼姐～哈哈哈
好啦！唔講喇！真係好眼訓！早抖喇～
About Post Author
