人生到底要蓄幾多福氣，先可以咁啱喺六月梅雨季嘅時候，咁啱藍天白雲好天氣?日放假，而咁啱我又喺依日去咗箱根呢！
雖然唔係第一次去箱根，但咁好天氣就真係第一次，所以我就一心諗住要去啲戶外有風景睇嘅地方～
由於六月係繡球花花期，強羅公園由而家至到7月頭都搞緊繡球花展，加上買左箱根周遊券嘅話，入去強羅公園係免貴嘅，所以一於唔洗諗咁多，即刻殺入去強羅公園睇下有咩風景睇啦～～～～
去強羅公園好簡單，搭「登山巴士S」去到強羅公園落車，或者係強羅站行過去（5分鐘左右）都得～（得咗！）
由巴士站落車行兩步就到咗個西門啦，一眼望過去已經覺得好綠意盎然～
行入啲再行入啲……藍天白雲青山綠樹，再加上點點又白又黃仲有可遇不可求嘅點點粉紅（誤），好靚好舒服啊！
身邊面有個涼亭，唔少人坐係到賞花（同自拍）～
再行前少少先！
日本妹們好喜歡係依到拱門到影相！不過依個角度影落去，搞到好似道門戴咗綠帽咁㖭！
綠帽嘅真身出現啦！其實佢係一棵非常之巨大嘅杉樹（差唔多有30米高）！依棵樹喺大正初期種落，有成百歲㗎啦～
由杉樹到落樓梯，就見到強羅公園嘅symbol－噴水池啦！噴水池周圍種晒花，側邊有間古色古香嘅喫茶店，行到累想喺到叫杯茶、食個雪糕休息吓都不失為一個好地方～
沿路風景成幅畫咁，春夏都見到咁橙嘅楓樹！
前面張相入面個啡色亭並唔係一個普通嘅涼亭，而係賣風鈴嘅地方～
微風輕輕吹，風鈴叮叮唱，啊我被治癒了～
差啲唔記得，嚟依到係為咗睇繡球！快D衝入個會場望吓咩樣先～
紅白藍色嘅繡球排排坐等大家同佢地合照……都唔錯啦！不過依到比較似新年花墟嘅感覺……
仲有埋價錢㖭！仲唔係花墟！
行返出嚟反面仲靚！一行紫，一行白，遠遠仲見到個噴水池㖭～
而家紫色個邊先啱啱開（我早兩日去嘅），等多幾日去應該會仲靚！
有啲花仲大過我個頭啊！太誇張啦～～～喜歡花嘅朋友心啲嚟影相啦！
其實強羅公園都幾大㗎！一年四季仲有唔同嘅花㖭～
睇吓秋天嘅白雲洞茶苑幾靚！
另外強羅公園入面仲有啲玻璃工作室，想參加嘅朋友可以上佢地官網了解詳情～
PS.廣東話小教室第一回開催中～
靚到「揼」一聲嘅正字其實應該係「丼」一聲先啱！
不過我相信大家見到個「丼」字都應該淨係諗到嘢食www
Mika都唔例外哈哈哈哈哈（長知識了！）
Sor啊離晒題㖭！下次再同大家介紹其他箱根景點啦～bye bye～
About Post Author
