今次要介紹俾大家嘅地方我諗都無咩人去過… 因為佢係一間比較小型嘅博物館。不過近期做緊兩個都幾有趣嘅展覽，相信動畫迷都會有興趣，所以就為大家實地考察下！
位置上唔難去，距離地鐵站15-20分鐘腳程，亦都有巴士可以搭。沿途會有旗仔帶路。
見到咁多熟口熟面嘅角色就知已經到左啦！
全館都係免費入場嘅。一入到去就有成個日本動畫歷史牆… 咁我地當然係直接睇下有咩有趣野先~
日本動畫公司40週年展《世界名作劇場》大全
依個就係佢地近期嘅重點展覽。《世界名作劇場》系列全部都係用外國故仔為本製作嘅日本動畫，好多香港都有播過，例如：長腿叔叔、飄零燕、紅髮安妮等等。
那就是聲優！
去到之後小編就見到有另一個動畫「那就是聲優！ 」嘅展覽。
入面仲有得俾你真係試下配音添。
大家都知其實好多展覽都係唔影得相，以上介紹嘅都唔例外。所以最珍貴嘅手稿呀、模型等等都無得影俾大家睇。 不過館仔細細，都仲有啲好野介紹俾大家：
有無見到你鍾意嘅野先？依個簽名牆就真係好值得一影啦！
除此之外，仲有好多等身模型可以合照留念。
睇住佢咁轉，其實係動畫製作嘅原理。
仲有名漫畫家嘅詳盡介紹。
雖然依個博物館嘅展品真係唔多，但係對動畫有興趣嘅朋友應該都會好滿足！而且唔係遊客區，附近又有河畔同神社，岩曬鍾意靜靜地悠閒下嘅朋友～
杉並動畫博物館
網頁：http://sam.or.jp
地址：167-0043杉並區上荻3-29-5 杉並會館3F
營業時間：10:00～18:00（17:30之前進場）
交通：東京Metro地鐵丸之內線、JR中央線「荻漥」車站北口 關東巴士（0號・1號站牌乘車）「荻漥警察署前」站
休館日：星期一（逢例假日開館，隔天平日時休館，非平日時順延）、年底年初（12/28～1/4）、有臨時休館
費用：免費
＊旅遊小貼士：動畫迷去開朝聖，一定要去埋附近嘅三鷹之森吉卜力美術館，即係宮崎駿博物館。可以見到天空之城同搭龍貓巴士架！不過買飛就係預約制，係日本便利店都可以買到。
About Post Author
