《百鬼夜行!?係東京江戶博物館啊!》

嚟到東京，抽少少時間認識當地嘅發展,玩起上來就有更深體會喇！位於両國站附近嘅「東京江戶博物館」展出由江戶時代至現代東京嘅生活同文化。展館主要分開兩層，由六樓開始展示江戶城嘅規劃，到五樓介紹江戶文化同現代東京。一樓就設有特別展，如果想睇哂常設展同特別展就係一樓買pass喇！記得學生有優惠嫁!

而今期特別展就做緊「大妖怪展」，展期到8月28日。常設展學生價45蚊，「大妖怪展」學生價就80蚊倒，兩樣一齊買就有優惠，加埋大概都係100蚊左右。

 

今期「大妖怪展」我親身去咗喇，覺得十分值啊！日本有唔少用妖怪做題材嘅動漫,睇過犬夜叉、鬼太郎呢啲作品嘅話,應該好有共嗚！呢個展仲有一part介紹近期好hit嘅「妖怪手錶」，細路大人都啱睇啊。大妖怪展總共有四章。第一章首先介紹咗江戶嘅妖怪世界，例如係雪女、土蜘蛛、天狗！第二章就主要講下呢啲妖怪去係中世紀嘅形象，當時嘅妖怪同人類已經有愈嚟愈多嘅互動，人類對於佢地嘅想像亦都變得更具體同多元啊。第三章就追溯返妖怪出現嘅因由，主要都同人本身嘅恐懼心同宗教興起有關。最後一章就係現代妖怪喇，除咗一般都市傳說，仲有講「妖怪手錶」！可惜呢個展唔俾影相，想睇真係要自己去喇！

至於常設展，分江戶區同東京區。江戶區入面模擬返當時人民嘅生活,除咗商業活動、日常生活，仲包括咗充滿神秘感嘅「吉原」。

江戶區去到東京區之中有好多俾參觀者體驗嘅設施，好似係造型拍照、入屋體驗、馬車、單車。


今次去到十分好彩，有津輕三味線嘅表演睇！

去到東京區，就有「經濟高度發展期的東京」、「空襲與東京市民」、「關東大地震」、「東京復興」等等展區，仲展出好多東京人嘅生活啊！

 

全力支持：大新銀行、香港航空、中國平安保險