日本偶像界競爭激烈，為咗早日成名及獲得觀眾緣，事務所通常好早就推班後生妹出道。班14歲15歲、剛踏入青春期嘅少女們對住繁忙嘅工作同來自各方面嘅壓力，加上成長期因素，真係好容易「劣化」走樣架！你見到偶像暴肥你又會唔會繼續支持佢呢？今日同大家介紹下以下係日本藝能界因暴肥劣化成為話題嘅歷代少女偶像們！
《Berryz工房》
2004年出道，舊年正式無限期停止活動嘅Berryz工房，當年出道全部都係10至13歲嘅美少女。不過成長期個個發育情況不一，造成10年後大家身高外表差別非常唔同嘅情況…更咪話以下呢兩個劣化得好犀利嘅member。
正所謂女大18變：
須藤茉麻
係日本女idol入面算係幾高（166cm）嘅Maasa其實本身身材好好。不過佢就數次係公開場合有講過自己最鍾意食嘢，而佢都一路試過比網民spot到佢漸趨肥胖嘅身材。而去到後期，佢簡直就係自暴自棄去到一個大媽嘅地步。據日媒報道，佢好鍾意飲酒而且本身酒量都好犀利，所以肥胖嘅原因應該都係因為飲酒同唔戒口。
菅谷梨沙子
Risako細個嗰陣簡直係天使嚟架！當年個個都睇好佢嘅發展，講真佢個股有少少似混血兒嘅味道同細個嘅澤尻英龍華有得揮添！只係，又係成長嘅過程中唔知發生咩事劣化咗，而且佢鍾意染頭髮到誇張嘅顏色，有時都會嚇窒啲粉絲。不過佢之前都有試過減肥，總算叫做有返啲起色。但自從B工解散咗之後就佢都決定唔再做明星了。
《Morning娘。系列》
鈴木香音
要講近年嘅肥idol，知名度最高嘅都非鈴木香音莫屬啦～推出《One Two Three》單曲個期個張相仲震撼日本娛樂圈。前幾日先正式係M娘畢業嘅佢細個又係好得意好可愛，只係撞正發育期…俾人笑咗幾年之後因為失落音樂劇角色嘅甄選，所以佢終於的起心肝減肥，仲成功減磅12kg成為一時佳話！
減肥成功的香音，係MV入面都即刻多番好多鏡頭：
不過真係一時only，正所謂跌得快，反彈得仲快…結果佢都係肥返嘅～不過唔好睇佢咁樣樣，其實鈴木係海外係最紅嗰個，歐美巡演個陣佢係最受歡迎架！
吉澤瞳
元M娘人氣成員吉澤瞳出道後2年開始走樣，不過之後就減得仲瘦過之前！據聞佢又係衰飲酒，同埋因人事關係複雜令佢壓力大暴飲暴食，導致身高164cm嘅佢高峯期身材達70kg！後來減到得番40kg嘅佢成碌竹咁，令粉絲擔心佢係咪有厭食症添。
加護亞依
出道時大家都以為佢係baby fat，但漸漸就發現加護亞依嘅微胖係一發不可收拾。當年仲未興微胖呢樣嘢，其實從M娘分拆出來嘅組合「W」，佢同拍檔辻希美兩個係一齊肥…不過有肉地個樣係幾萌嘅～
《AKB48系列》
宮崎美穗
以5期生加入AKB48嘅宮崎美穗第一屆總選排名係第18位。不過之後經歷走樣、肥胖、同埋整容等等事跡，舊年總選已經去到唔入圍嘅地步。其實本身粉絲們都幾睇好佢，不過隨著身形暴脹，睇電視，企係後排嘅佢塊面仲大過企前排企大島優子同板野友美，令到佢俾網民恥笑。
島田晴香
本身係標準idol身材嘅佢後期入咗選拔都放任自己身材，傳聞仲話當年前田敦子有警告過島田晴香要好好管理體重。不過睇落佢都幾豁達，走鍾意食嘢路線，係節目度亦都唔介意被取笑。
舊年節目上佢就終於話自己要係24歲生日前由54kg（高峯期達57kg）減到48kg。最後佢都真係成功咗前後減磅11kg，係叻喎！
大和田南那
14歲時以15期生身份出道，初期被粉絲以「綻放無限光芒的逸才」並稱其為次世代AKB大將嘅大和田南那，的確出道初期真係好靚好kawaii，不過後期隨著身形開始漲，今時今日開始有網民戲稱佢做「大肥田」，都真係幾sad。
《桃色幸運草》
佐々木彩夏
2003年加入娛樂圈嘅佐佐木彩夏係桃色幸運草嘅粉紅色擔當，初期又係俾粉絲稱為「天使」嘅佢，2014年左右因為暴飲暴食同壓力問題令到體重有上無落…亦劣化到大媽身材嘅地步。不過睇嚟近期嘅佢已經減肥成功，粉絲仲話因為肥過先瘦，某程度上身材好過之前添喎！
有安杏果
身高只有149cm嘅有安杏果2009年加入桃色幸運草，2012年開始出現身體上嘅變化！雖然走樣到一個都好似幾嚴重嘅地步，不過原來係因為有病先引致肥胖，後來佢減肥成功亦都引起粉絲之間嘅話題呢！
About Post Author
