[睇住絕景浸溫泉！]溫泉總選舉2017 絕世美景部門Top5

由全日本人投票而產生嘅溫泉總選舉2017有咗結果喇！投票喺7月1日到10月份31日舉行，今年約總共得到1,490,000票。今次同大家睇下絕景（絕世美景）部門嘅Top5溫泉。

5. 北海道上川郡上川町 層雲峽温泉(sōunkyō onsen)

層雲峽温泉係北海道火山群－大雪山山系嘅最大溫泉街。由於層雲峽温泉區鄰近大雪山黑岳滑雪場、大雪山層雲峽・黑岳纜車、露營場，同時係攀登大雪山嘅登山基地，因此每年都吸引到超過200萬國內外人次到訪，一覽峽谷絕景。而其中冬季嘅「層雲峽冰瀑祭」更加係聞名海內外！

溫泉水質：單純温泉、硫黄泉。

除咗大雪山外，銀河、流星瀑布都係一大絕境

 

層雲峡官網：http://www.sounkyo.net/category/index.php?category=5
地址：〒078-1701 北海道上川郡上川町層雲峡 北海道上川郡上川町層雲峽
前往方法：於JR旭川站乘坐特急前往上川站(車程約45分) ，再轉乘道北巴士往層雲峽(車程約35分)

4. 徳島県三好市 大歩危・祖谷温泉郷(ōboke iyaonsenkyō)

位於四國正中間，海嘅拔一千米以上嘅大歩危・祖谷温泉郷。
溫泉水質：單純温泉、硫黄泉。

大歩危・祖谷温泉郷是日本三大秘湯之一（其餘兩個分別為北海道二世古藥師溫泉及青森縣十和田的谷地温泉）
，由於附近有「日本三大秘境」之一的祖谷溪（其餘兩個分別為白川鄉及椎葉村），加上祖谷溪一帶峽谷有上百米高低差，營造出一個「與外隔絕」的幽谷景觀，因而冠以「絕境」之名而大受歡迎。

和之宿 祖谷溫泉的宣傳片

大歩危・祖谷温泉郷官網：http://oboke-iya.jp/hotel/
地址：〒779-5322 徳島県三好市山城町重実
前往方法：於JR高知站乘坐約50分鐘特急前往「JR大歩危站」

3. 宮城県宮城郡松島町 太古天泉松島温泉 (taikotensen matushimaonsen)

影片來源：松島松島温泉

太古天泉松島温泉嘅泉水相傳喺一億年前湧出，並且以美肌之湯所熟知。溫泉位於備受愛戴，被選為日本百名月嘅松島，沿岸以及260個大小島嶼組成嘅島嶼群為日本三景之一。
溫泉水質：單純温泉、塩化物泉、硫酸塩泉。

太古天泉松島温泉官網：http://www.matsushima-onsen.com/
地址：〒981-0213 宮城県宮城郡松島町松島字東浜
前往方法：乘坐JR東北本線往松島站或JR仙石線往松島海岸站

2.山口縣 長門市 油谷灣温泉 （yuyawan onsen）

位處於高地嘅溫泉可以一邊眺望油谷灣嘅美景，一邊浸溫泉，雙重享受。而油谷灣溫泉附近有被CNN選為「日本最美的31個場所」嘅「元乃隅稲成神社」以及入選日本棚田百選嘅「東後田棚田」等絕景。

溫泉水質：單純溫泉

溫泉酒店楊貴館官網：http://www.hotelyokikan.jp/
地址：日本山口県長門市油谷伊上130 油谷灣温泉
前往方法：於下關站乘坐JＲ山陰本線伊上站，再轉乘5分鐘左右的士

1. 新潟県妙高市 妙高高原温泉郷 (myōkōkōgen onsenkyō)

影片來源：上越地域 振興局 企画振興部

位於日本百座名山之一嘅妙高山，因為有7個溫泉、5種泉質同3種湯色，妙高高原温泉郷被稱為「七五三之湯」（753同時為日本獨特節日）。由於其位置關係，妙高溫泉可以眺望到整個妙高山一帶山脈嘅全景，特別係紅葉及落雪時期景色就更加壯麗。

溫泉水質：塩化物泉、單純溫泉、炭酸水素塩泉、硫酸塩泉、硫黄泉

妙高市官網：http://www.myoko.tv/
赤倉温泉地址：〒949-2111 新潟県妙高市赤倉５８５−１
前往方法：：由東京出發，乘坐「北陸新幹線」往長野再轉乘「信濃鐵路北信濃線」往「妙高高原」落車

 

溫泉水質介紹：

塩化物泉（鈉鹽化物泉）：俗稱「熱之湯」，有保濕、促進血液循環嘅作用。
単純温泉：全日本最普遍、溫和嘅溫泉。可以放鬆精神等等。
炭酸水素塩泉（碳酸氫鹽化物泉）：俗稱「美人之湯」，有角質軟化嘅作用。

硫酸塩泉：俗稱「傷湯」（療傷溫泉），可以有促進血液循環，治療外傷。
二酸化炭素泉（二氧化碳泉）：因為會有二氧化碳變成氣泡，俗稱「泡泡之湯」。有保濕、促進血液循環嘅作用。
含鉄泉（含有二價、三價鐵離子嘅溫泉）對缺鐵性貧血有效酸性泉 ：pH值大約喺2-4之間，有殺菌作用，可以治療慢性皮膚病。

硫黄泉：每升水約含有2mg以上硫黃，可以殺菌，對皮膚炎症有效。

​
出處：https://onsen-ouen.jp/vote/ranking/result-2017summer