海鮮好好食，特別係新鮮嘅海鮮直頭係人間美食♡喺南房総嘅沿海，有一間店竟然只係收你2700円就可以食到新鮮嘅蝦、海螺、帆立貝等等唔同種類嘅海鮮啦！真係抵到爛，喺香港食個放題都差唔多呢個價錢，不如直接去日本食啦！仲包保新鮮添！佢受歡迎到成日都要排長龍先食到，梗係啦咁荀喎！
喺南房総嘅Market Place「the Fish」入面嘅「まるはま」就係傳說中嘅呢間超荀海鮮BBQ放題店啦！汽水都係任飲，唔會好賤咁要你額外叫。佢咁受歡迎主要都係因為個性價比，用2700円就可以食到新鮮海鮮仲要係放題喎，真係唔特別鍾意海鮮嘅都想去排隊試下！
呢個海鮮放題係以自助餐形式，即係自己出去拎果種，個感覺正過喺張紙到點呀！
由於佢全部海鮮都係新鮮收取，所以味道方面絕對有保證，唔係平就一定難食嫁！
平時其實好少機會可以食到咁多種類嘅貝類海鮮，好似呢種喺殻裡面烤嘅海螺咁，全部都任食，真係睇到都滴哂口水啦嗚呀！剩係燒完佢己經有好濃郁嘅香味飄出黎，落埋醬油就更加好食啦！
まるはま嘅白蛤大隻得黎肉身煙煙韌韌，用火烤下之後，望住個殻啪一聲咁打開嘅畫面真係好滿足哈哈！呢D白蛤全部都係日本產，品質同營養都滿分！
其他仲有帆立貝呀蝦呀之類嘅海鮮，帆立貝超新鮮，烤嘅過程望住佢上面嘅油彈下彈下，即刻胃口大開啦係咪先！
佢仲會有D季節限定登場嘅Menu，好似係冬天果時，就會有牡蠣，黃金週果時就會有蟹放題，魚子放題等等超吸引Menu，到時可以整番碗多魚子到睇唔到下面D飯嘅魚子丼啦！
有唔少日本人試過都話好嫁！佢地食過嘅都喺Twitter上面話雖然等左好耐但果然名不虛傳，值得等咁話呀！
如果各位真係有興趣去試，最好就預早D，尤其係假期去嘅朋友，因為隨時要等幾個鐘先食得，都唔好完全空肚去啦，驚你餓死都未到。
・名稱： 海鮮浜焼き まるはま
・地址： 千葉県富津市金谷２２８８ ザ・フィッシュ
・前往方法： 由JR内房線「浜金谷駅」歩行5分
・營業時間：【平日】11:00～16:30【六日紅日】11:00～17:30
・定休日： 逢星期四
・費用： ＜放題course＞ 大人 2,700円／小學生 1,620円
・官網： http://thefish.co.jp/restaurant/maruhama/
About Post Author
