法國大師上日本節目　平價肉變身高級牛扒

2月9號係肉の日（にくのひ），有推主就同大家一齊重溫咗節目《世界上最想上的課》（世界一受けたい授業）入面教煎牛扒嘅部分。

今日肉を焼く人向けの資料 pic.twitter.com/z1iw6XQJqV

— パン吉＠コミケ2日　血界戦線クラウス (@eatman98) 2018年2月8日

 

一齊嚟學下點用普通肉整到大師級嘅味道，喺佳節同致親分享啦！

法國大師煎牛扒技巧

節目請嚟法國大師Yves-Marie Le Bourdonnec教路。Yves-Marie Le Bourdonnec嘅店喺美食之都巴黎都曾被選為最優秀食店，而佢本人亦擔任米芝蓮三星餐廳大廚嘅顧問。

 

技巧1：煎之前30分鐘將肉喺雪櫃拎出嚟

技巧2：切走筋嘅部分 加入肉、脂間切位

 

大師仲教路話為咗令牛扒煎嘅時候受熱均勻啲，要喺肉脂之間切幾下。避免肉脂因為受熱速度唔同而令牛扒邊卷起。 

技巧3：牛扒表面變色嘅時候落鹽

可能受平時煮餸要醃肉影響，小編都以為煎牛扒要煎之前落鹽同胡椒醃下。

正確嘅做法係喺牛扒煎到兩邊都岩岩轉色嘅時候落鹽同胡椒。

技巧4：煎完牛扒放錫紙入面rest

牛扒要趁熱食嘅諗法原來唔太啱。大師就話用咗幾耐時間煎牛扒就大概要用幾耐時間放係保鮮紙入面rest。

咁做有兩個原因：

 

漢堡包 漢堡扒

食厭咗牛扒想換下口味？

法國大師亦有教點樣整有濃厚肉味嘅漢堡包。

秘訣1：唔用超市現買碎肉，買普通牛肉

秘訣2：唔用雞蛋同麵包糠，用牛脂取代

做法：

 

如果整漢堡扒，整完加啲配菜就可以食喇！大師建議唔加醬汁食肉嘅原味。

整漢堡包

肉類保存技巧

步驟1.喺肉嘅表面包上緊緊嘅保鮮紙

 

步驟2.喺第一層保鮮紙上面包上鬆身嘅保鮮紙

咁樣包兩層保鮮紙嘅話，因為可以阻住雪櫃嘅冷空氣直接同肉接觸，就唔會結冰喇。不過香港市面上賣嘅肉好多都有預先用膠盒入起，亦未必有呢個煩惱。