之前同大家介紹過位於琦玉縣嘅Capcom Cafe，雖然佢嘅Biohazard主題已經完咗，不過粉絲們唔駛傷心。因為係新宿歌舞技町其實仲有一間長期做緊Biohazard同其他唔同遊戲主題嘅餐廳。
▼就係呢間Capcom Bar啦。單睇海報，你見到幾多個遊戲角色哩？
▼唔駛驚走錯，Capcom Bar就係呢度入面。
▼「Capcom Bar」係由Capcom同大型餐飲及卡拉OK集團PASERA合作搞嘅主題餐廳同酒吧！固有主題包括芒享（Monster Hunter)、生化危機（Biohazard)、戰國Basara、惡魔獵人、大神、龍族教義、逆轉裁判、Devil May Cry同街霸（Street Fighter）。
▼周圍都擺放住不同嘅遊戲模型同相關產品。
▼過往推出過唔同系列嘅杯墊。
▼有我當年專用黎打喪屍嘅散彈槍 ![【機迷必到】又食又玩・新宿Capcom Bar]()
▼仲有扁晒咀嘅軍佬同潛伏緊嘅春麗 ![【機迷必到】又食又玩・新宿Capcom Bar]()
▼話明係Bar，梗係唔少得Bar枱位置。
▼另一邊就係普通用餐區。
▼行近少少睇，原來呢度除咗食野之外，仲有PS4任玩。不過我去當日就只有Basara同街霸選擇。
▼餐廳除咗固有Menu之外，仲會不定期推出期間限定Menu。我去個陣就做緊「Biohazard20週年」主題，每叫一杯相關飲品仲可以得到一個限定杯墊添。
▼有啲餐點仲有特別驚喜㗎。因為佢地嘅員工會因應你點嘅菜式去演出相關對白。好似我點咗杯T病毒特飲，佢就會拎劍扮槍打喪屍。（另外仲有真田幸村特飲，點表演法可以睇番影片）不過唔係全部野食都有表演，所以你好想睇嘅話，記住問清楚先。
▼主餐我就叫左呢個「逆轉裁判」嘅炸盤。佢有洋蔥圈同埋一個扮槌仔嘅薯餅，不過注意，唔好拎起佢黎大叫「Objection」，會爛㗎 ![【機迷必到】又食又玩・新宿Capcom Bar]()
炸盤附送三款醬料，包括蕃茄醬，咖哩肉醬同埋芝士醬。個人推介咖哩肉醬同芝士醬。![【機迷必到】又食又玩・新宿Capcom Bar]()
▼洋蔥圈炸得香脆，所有野都恰如其份，就連一塊小小嘅紫菜都整得好有心機㗎。
▼食完正餐就到甜品喇。佢就係我嘅童年天敵，Biohazard入面嘅「獵殺者」。外面扮腦漿嘅係粟子蓉，入面就係海棉蛋糕同藍莓果醬。而出面血淋淋嘅就係士多啤梨果醬。員工會俾刀你將佢親手擊殺。整個蛋糕甜度適中，層次分明，令人喜出望外。
▼飲品方面我就叫咗「真田幸村特飲」。除咗招牌紅色，一見到佢個兩枝飲管就梗係諗起佢嘅雙槍啦。雖然佢含有酒精成份，不過濃度唔算好高，甜甜地適合少飲酒嘅人仕。
▼之後就到呢杯「試管T病毒特飲」，唔好見佢細細枝咁，其實內含Tequila、Ginger Ale同埋柚子汁，酒精濃度都幾高。佢地仲話要一啖飲晒佢，如果真係覺得好濃頂唔順就可以飲杯入面嘅水中和下。
▼無飲開酒嘅我，叫呢杯野飲嘅原因其實係為咗得到佢嘅限定杯墊。本身一杯野飲只可以跟一個，但係佢地好好人送晒成套俾我，我真係開心到叫出嚟 ![【機迷必到】又食又玩・新宿Capcom Bar]()
後記：餐廳俾人感覺好歡樂，員工全部都好有表演慾，加上食物質素有水準，令到成件事好完美。食飽都記住打埋舖機先好走，如果你夠膽，仲可以搵隔離嘅人挑機。話唔定可以識到一班「好機友」添。詳細嘅訂枱方法可以參考番我之前嘅Blog。
【Capcom Bar】
營業時間：
星期一至五
中午時段 １４:００～１８:００
晚上時段一 １９:００～２１:００
晚上時段二 ２１:３０～２３:３０
星期六日及公眾假期
A １１:３０～１３:３０
B １４:００～１６:００
C １６:３０～１８:３０
D １９:００～２１:００
E ２１:３０～２３:３０
B １４:００～１６:００
C １６:３０～１８:３０
D １９:００～２１:００
E ２１:３０～２３:３０
地址：新宿区歌舞伎町1-3-16 パセラリゾーツ新宿本店1F
電話：0120－706－732
「送禮物時間」
雖然好唔捨得，但係我都決定割愛將成套「Biohazard20週年限定杯墊」送晒俾你地當係多謝你地睇我嘅文喇 ![【機迷必到】又食又玩・新宿Capcom Bar]()
最緊要大家開心，快啲玩遊戲拎走佢珍藏喇！
1. 讚好LikeJapan Facebook
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。
About Post Author
