宮崎駿嘅動畫作品相信都陪伴唔少人嘅成長。由早期嘅風之谷，到崖上的波兒等等，大家除咗欣賞當中嘅劇情同動畫之外，出色嘅配樂都應記一功。
而我首次接觸嘅宮崎駿動畫就係「天空之城」。好記得希達（シータ）係天上面帶住飛行石飄落嚟俾巴魯（パズー）接住個一幕。佢嘅動畫配樂，係第一首，亦都成為唯一一首我識彈嘅歌。
為咗表示我對天空之城嘅情意結，係LikeJapan嘅第一段片就準備咗呢個，天空之城「Flaptter」嘅開箱文。
如果大家有睇過天空之城嘅話應該對Flappter唔會陌生。佢亦都叫做蜻蜓飛行器，係由空中海賊「朵拉一族」入面紮住粉紅色孖辮嘅婆婆，朵拉（ドーラ）過咗世嘅老公所發明。
無錯，就係呢個咁可愛嘅婆婆啦
打開包裝之後，除咗介紹天空之城嘅故事背景之外，仲好仔細咁解構咗Flaptter入面唔同組件嘅功用同由來。
睇完介紹馬上進入組裝階段。其實佢組件並唔算好多，基本上只需要駁番對翼落去就完成。不過由於係第一次接觸模型，加上有少少閱讀說明書困難症，所以有少少手忙腳亂。
不過要留意嘅係，佢有兩種接駁頭。一種係可以將對翼收起，而另一種就係將翼展開。
就圖中所見，最近機身個四粒接駁頭就係用作收翼，而其他就係開翼。
時間關係同埋其實毫無技巧可言，所以天空之城Flappter就即刻登場喇。
收翼嘅時侯係擺設狀態，開返翼之後就可以正式試玩啦。
佢總共有4個開關，右邊係總開關，開啟後佢就會開始拍翼。
如果想佢暫停拍翼都無問題，只需要攪動下面枝搖桿就可以。
另外三個燈制分別係機頭位置，儀錶燈同噴射口。機艙內部都整得幾仔細㗎。
網上見到有人砌完之後仲搵左個天空既背景俾佢影相，成件事即刻變得好有感覺！
仲有其他人會放主角嘅模型上去，但我由於無咁多配件，所以我就搵咗另一個特別嘉賓。
佢就係係日本人氣爆燈嘅「杯緣子」幫我友情客串一下，睇落好似好危險喎。但係有靚機坐都抵番啦！
救命呀…就跌啦…
其實我好鍾意天空之城首歌，同你地開心share下啦。
第一次剪片，剪得唔好，多多包涵。多謝晒，下次見！
About Post Author
