《胃食日本》：東大特色和風甜品Cafe～廚菓子くろぎ

踏入初夏，日本最近開始越嚟越熱，

所以今次就同大家去到好出名嘅東京大學

入面一間叫「廚菓子くろぎ」嘅休閒和風Cafe食冰凍刨冰解一下暑～

「廚菓子くろぎ」位於東京大學本鄉CAMPUS內較悠靜嘅地方，

除咗可以在店內品嚐，出面亦都有開放式坐位俾你吹下風慢慢坐。

 

甜品以和風甜品為主，有刨冰、蕨餅、和菓子甚至羊羹等多款選擇。

今次就叫咗兩款特色刨冰～

首先係Regular Menu會有嘅黑蜜黃豆粉冰，

單叫¥1400，而叫Set就¥2200～

有食開日本甜品嘅朋友都會知

黑蜜黃豆粉係日本甜品入面常出現嘅口味～

黑蜜加上黃豆粉，新鮮忌廉、紅豆、合桃等配料，

未食都知一定會好好食

 

另一個就係期間限定嘅甜醬油團子冰～

單叫¥1700，Set就係¥2500～

雖然甜醬油團子都係日本好普遍嘅和式甜品，

但做成刨冰就比較少見。

煉奶底加上甜醬油，奶油芝士，黑豆，紅豆，合桃等等嘅配料，

好有口感之外味道亦都非常特別，

就算係溶咗都一樣咁好食！

 

叫Set嘅話就會多一杯咖啡特飲，漬物同乾菓子。

「廚菓子くろぎ」營業時間係9:00至19:00(L.O 18:30)

不定休，有時會因東京大學嘅日期表而休息～

食完甜品嘅朋友去參觀好靚嘅東京大學都可以㗎！