通常去東京都係行街食好嘢，今次就想做啲唔同啲嘅－所以去咗駒澤奧林匹克公園做運動！駒澤奧林匹克公園原為東京高爾夫倶樂部嘅球場，昭和天皇同英國皇太子愛德華八世都喺度打過波㗎！去到1964年再因為東京奧運重建為體育公園。而奧運結束後就成為對外開放嘅公園，深受附近居民同學生喜愛㗎。
公園內有陸上競技場、第一、第二球技場、體育館、屋內球技場、硬式棒球場、補助競技場、軟式棒球場、網球場、健身房及東京奧運紀念館等場地。
我哋今次就嚟踩單車嘅～園內有好長嘅單車徑，仲有租單車小店?，咁就可以去到公園入面先租單車啦，好方便！
入到去可以喺呢部機撳咗飛先，普通單車1個小時：210円，咁如果兩個人踩即係2台＝210+210+(2台分)420＝840円，咁就撳2下[1時間]＋1下[兩台分]啦。
呢度單車有分大細，大人小朋友都可以揀番啱自己嘅單車啦！
呢度仲有雙人單車，最啱情侶啦！
公園綠意盎然，係周邊居民同駒澤大學、日本體育大學學生嘅休閒場所，嗰日都見到好多學生喺園內做運動，好舒適嘅一個公園～
呢座喺公園入面嘅奧林匹克記念塔，好特別啊～
園內有一個博物館，有1964年東京奧運嘅珍藏相片、獎牌同火炬等！拎起火炬嗰刻覺得好神聖，影相留個念先～
＝＝＝＝＝＝＝＝＝＝＝＝＝＝＝＝＝＝＝＝
公園地址：世田谷区駒沢公園１−１
交通方式
搭乘巴士前往／・從JR山手線「澀谷」搭乘東急巴士（往田園調布方向）於「駒澤公園東口」下車
・從JR「惠比壽」搭乘東急巴士（往用賀站方向）於「駒澤公園」下車
・於東急田園都市線「駒澤大學」下車後徒步15分鐘
・從東急大井町線「等等力」搭乘東急巴士（往祖師谷折返所方向）於「駒澤公園西口」下車
・從JR「惠比壽」搭乘東急巴士（往用賀站方向）於「駒澤公園」下車
・於東急田園都市線「駒澤大學」下車後徒步15分鐘
・從東急大井町線「等等力」搭乘東急巴士（往祖師谷折返所方向）於「駒澤公園西口」下車
三軒茶屋のバッティングセンター
唔知大家有冇試過喺棒球練習場打棒球呢？嗰日喺奧運公園睇完學生練習棒球，令我都好想試下打棒球！所以我哋即刻去咗附近嘅棒球練習場，想知我打唔打得中，記得睇片啦！
全自動出球嘅棒球練習場，入咗200円之後就會彈20個球出嚟，超級好玩同過癮，如果香港都有練習場我一定成日都去！
＝＝＝＝＝＝＝＝＝＝＝＝＝＝＝＝＝＝＝
棒球練習場
地址：東京都世田谷区三軒茶屋2-14-6 (三軒茶屋駅)
營業時間：１１：００～１９：００
費用：20球 200円
About Post Author
