手信必掃！5款限定TOKYO BANANA！

去日本旅行總會買一堆美食手信返香港，買咩好？當然唔少得呢款香蕉蛋糕啦！最近東京ばな奈ワールド又推出左幾種新款蛋糕，賣相靚之餘，味道亦相當吸引。

1）今だけ東京ばな奈（今天只有東京ばな奈）

為左紀念JR東日本30周年，東京ばな奈ワールド推出特別版「今だけ東京ばな奈（今天只有東京ばな奈）」，一盒有8件蛋糕，4件香蕉味及4件楓糖香蕉味，一盒就有晒兩隻味道，一次滿足晒兩個願望呀！

一盒「今だけ東京ばな奈」售1,080円（約77港元），會喺東京地下街指定分店有售，詳細地址就可以查閱官網店舖情報。

2）東京迪士尼限定版

至於去東京迪士尼嘅朋友記得唔好錯過迪士尼限定嘅香蕉蛋糕，印有米奇LOGO嘅蛋糕係焦糖香蕉味，無論係迪士尼抑或東京ばな奈的粉絲都一定會鍾意。可愛嘅米奇海綿蛋糕入面有就係香蕉吉士餡，香蕉餡再包住焦糖醬，唔少日本網民食完都大讚佢又可愛又好味！

每盒有8件，售1,300円（約92港元），留意番限定版蛋糕只係Disneyland World Bazaar Confectionery同 Disney Sea Valentina’s Sweets發售，其他地方係搵唔到嫁。

3）空とぶ東京ばな奈

JR東日本同迪士尼都出限定版，東京嘅羽田機場亦都唔執輸，推出兩款羽田空港限定蛋糕。第一彈「空とぶ東京ばな奈」喺8月1號推出，蜂蜜香蕉味真係非常吸引，更成為Twitter一時佳話。

4個入：560円（約40港元）
8個入：1,080円（約77港元）
12個入：1,595円（約113港元）

4）東京ばな奈カステラ

至於第二彈就係9月1號推出，今次係楓糖蜂蜜蛋糕，將蜂蜜、香蕉同楓糖漿混合而成，齒頰留香。

4個入：702円（約50港元）
8個入：1,188円（約84港元）
12個入：1,782円（約126港元）

5）東京ばな奈きら星「見ぃつけたっ」アーモンドミルク味

東京ばな奈係9月14日亦推出秋冬限定商品『東京ばな奈きら星「見ぃつけたっ」アーモンドミルク味』，以星座做主題，一次過推出三個星座的蛋糕，包括獵戶座、仙后座同北斗七星。三個秋冬最易搵到嘅星座再加系秋冬當造的杏仁加牛奶簡直係絕配！

4個入：515円（約37港元）
呢款星座蛋糕會喺東京ばな奈STUDIO大丸東京店、JR東京駅・品川駅・上野駅、羽田空港同部分東京ばな奈ワールド分店發售，詳情可參閱官網店舖情報。

東京ばな奈ワールド真係令人又愛又恨，3個月內就出咁多款蛋糕，減緊肥嘅我又點忍口喎，好在佢地每個蛋糕都只係百幾卡路里，罪惡感都無咁大！唔知遲啲會唔會出埋其他星座款式呢？