[日本街訪]日本人 聖誕最愛咩?!

好多人都鍾意去日本過日色聖誕，覺得日本嘅聖誕氣氛好啲喎～不過大家又知唔知日本人聖誕一定會食咩，最想點樣過，又最想收到啲咩禮物呢？即刻揭曉啦～～～

 

問：聖誕大家有咩係必食嘅？

答：我細細個開始已經年年都食肯X基㗎啦～～～

（仲要係唔只佢一個，係好好好好好好多人都係咁講！）

點解嘅日本人聖誕一定要食肯X基？！話說原來每年聖誕節個排，肯X基都會係咁賣廣告，令日本人腦海入面出現咗一個「聖誕節就一定要食肯X基」嘅印象，漸漸形成咗日本人聖誕節會食肯X基而唔係食火雞嘅文化～～～www

——————————————-

問：聖誕大家有咩係必食嘅？

答：同大家一樣食蛋糕囉～

除咗肯X基之外，聖誕蛋糕都係日本聖誕必吃之選！！！！就好似我地生日一定要食生日蛋糕咁～～～～

踏入12月所有蛋糕店都會推出各式各樣超得意嘅聖誕蛋糕，就算唔真係買嚟食，淨係睇吓都開心啊～

——————————————-

問：聖誕節想點樣過？

答：最理想就係同女朋友一起過囉…

有人話香港嘅聖誕節根本同第二個情人節冇分別，其實日本都係一樣！

問10個人有10個都話想同伴侶過，同時諗起耶蘇嘅人係零www（你地班人冇心肝啊！）

 

依位哥哥明明有女朋友，但係女朋友聖誕竟然去美國玩唔同佢過，搞到佢話自已：好似地球要毀滅嘅級數咁傷心又寂寞！

佢女朋友仲要衰衰咁話：我會玩得好開心咁返嚟㗎啦～你就寂寞地過聖誕啦～

——————————————-

問：想收到咩聖誕禮物啊？

答：阿爸阿媽：我想要錢啊～～～～

最後問咗幾個衰仔，都係話想收到錢喎…錢大晒咩！錢買得到快樂咩（暴走mode）！w

另外意外地有唔少人都向聖誕老人要求禮物，仲有人話親眼見過聖誕老人出現喺屋企送禮物比佢㖭～～～～

 

最後祝大家聖誕快樂～請繼續支持下年嘅街訪啦～～～～