日本人對生活用品可以話有種執著，一直都追求最好，經常都會改良設計，將每樣商品嘅功能發揮最大化！記者最近睇電視節目，見到佢地介紹嘅幾樣商品都好有趣，一於同大家分享下啦！
《ワールドビジネスサテライト》（簡稱WBS）係一個夜間財經新聞節目，當中《トレンドたまご》嘅單元，專門介紹即將上市或剛上市，未來可能走紅嘅商品。以下就係佢地最近介紹過嘅幾樣有趣商品：
Air Karu～容易打開嘅「長尾夾」
「長尾夾」可以夾穩一大疊紙張，係一樣十分實用嘅文具！不過，唔少人都覺得打開果陣要好用力，有時仲會禁到手指有個印添！有日本文具商就將設計改良，籍住一個小改動，令人更容易施力！
新版長尾夾多咗一條「突起長條」，可以將施力點位置改變，直接令按壓施力減少50%！以後使用時就唔洗咁大力，就算係細力嘅女仔都可以輕易禁開長尾夾！
唔講唔知，原來長尾夾發明咗100年以來首次改良設計！唔少網民都好驚訝，認為咁簡單嘅改良，點解過去100年無人諗到，佩服開發商顛覆常識！
部分網民更自行DIY，將長尾夾屈曲成類似形狀，仲話效果一樣好好，只要輕力就可以打開長尾夾！大家又有無興趣自己動手呢？
商品名稱：エアかる Air Karu
價格：小Size／10個／300yen（稅拔）詳情
＊3月1日開售
圖片來源：Twitter＠satake_take、BunguPlus
Memo ID～員工證＋Memo 二合一！
翻工有時忙起上嚟，行去倒杯水都會收到客人急call，或者比老細叫去傾兩句……呢個發明就係為咗應付呢類突發情況！只要你掛住個員工證喺身，即使有急事離開枱頭，都可以順時jot notes抄低重要野！
「Memo ID」名符其實就係二合一嘅員工證＋Memo紙，正面可以放入員工證，而打開就係兩支筆同幾張Memo紙。唔好睇佢外表好薄，其實呢個Memo ID收納性幾強，可以額外放入卡片、信用卡等，以防不時之需！
當中用到嘅兩支筆十分薄身，原來早於1986年已經被開發，當時因為攜帶性高，可以收藏於銀包入面，一度成為話題！今次應用於「Memo ID」中，可以話係配合到時代變化嘅需要，將舊技術融入新發明！
商品名稱：ペモ アイディー Memo ID
價格：1個／1000yen（稅拔）詳情
圖片來源：Zebra、TV Tokyo
Cat Flip～唔怕跌爆芒 自動合上嘅手機case
相信唔少iPhone用家都有跌爆芒嘅問題，呢個「Cat Flip」就可以幫到你！佢係一個「自動合上」嘅手機case，即使錯手將手機跌落地都唔緊要，Cat Flip會喺空中轉動，而且自動合上手機蓋面，防止跌爆手機芒！
「自動合上」嘅case，原理來自獨家研發嘅flapping技術，以「形狀記憶素材」去製造手機case，相比起普遍以磁石牢固手機蓋面嘅case穩固好多！
官方聲稱，Cat Flip測試結果為，高於15cm及低於150cm情況下，都可以自動合上手機蓋面，防止爆芒！
＊商品仍在Kickstarter眾籌中，預計4月發售
商品名稱：CAT FLIP 詳情
圖片來源：TV Tokyo、Kickstarter
睇完之後，真係要感嘆一下日本人嘅創意無限！相信呢啲商品推出後，一定會好受歡迎！大家如果有興趣，可以searchトレンドたまご，睇下節目仲有咩有趣商品介紹！
About Post Author
