奈良啲鹿仔真係好可愛，不過部分人為咗同鹿影相，會拎野食引誘佢地⋯⋯其實咁係好錯誤嘅餵食方法，會引起鹿仔不滿，仲可能會被鹿撞傷或咬傷！奈良公園早前就設置告示牌，用提醒遊客餵鹿嘅正確方式，並且講明「不要用鹿餅捉弄小鹿」！大家唔想被「小鹿亂撞」，就要睇下以下睇鹿5大注意點喇！
圖片來源：Twitter＠奈良市観光情報
據奈良公園資料，2017年度園內錄得164件觀光客被鹿攻擊嘅事件，其中近140宗涉及外國遊客，當中有8成都係中國人！原來好多遊客餵鹿果陣，為咗同佢地影相，會用野食引誘鹿，遲遲都唔放手，令鹿等待餵食嘅過程變長，引起鹿嘅不滿！為咗保護遊客安全，園方今年4月3號就新設告示牌，用日文、英文及中文提示遊客餵鹿嘅正確方式。
圖片來源：pref.nara.jp
其實奈良嘅鹿已經非常習慣人群，但始終唔係寵物，如果係初次去餵鹿嘅遊客，有好多地方都要注意！除咗以上幾項有關餵食提示，我地仲總結咗幾項重要資訊同大家分享！
1. 如果單純想同鹿合照，其實唔洗餵食！
如果手上有可以食嘅野，包括鹿仙貝、其他食物同一切紙類物品，就會成為鹿群攻擊嘅對象！拎住野食，為咗同佢地影相，又遲遲都唔肯餵食，就會引起鹿嘅不滿，令佢地食唔到野而失望！咬衫、撞屁股等已經係小事，最怕係一大群鹿同時衝過嚟，到時就十分狠狽喇！
如果手上無食物，淨係同鹿合照，通常唔會有大問題！
圖片來源：Twitter＠奈良市観光情報
而奈良公園就有好多注意告示牌，講明園內嘅鹿係「國家天然紀念物」嘅野生動物，太接近可能有危險，大概內容大概如下：
１１月は「奈良のシカ」愛護月間
奈良の鹿愛護会では、鹿達の発情期にあたる１１月を愛護月間として、鹿の生態や正しい接し方についての広報活動を強化して実施しています。
特に雄鹿は発情期で気が荒くなっていますので、注意して接してください。https://t.co/zdKhXU8yTm pic.twitter.com/HVKTWNkLzE— 奈良市観光情報 (@nara_c_kanko_jp) 2017年11月1日
2. 生產期（5月－7月）
每年5至7月都係鹿嘅生產期，母鹿為咗保護剛出生嘅小鹿，可能會用前腳踢人，所以大家盡量唔好接近或觸摸小鹿！
圖片來源：Twitter＠奈良市観光情報
3. 發情期 （9-11月）
秋天係鹿嘅發情期，雄鹿會變得兇暴，可能會互相打交，以得到雌性嘅認可，證明自己有幾強壯。大家果陣就唔好靠近雄鹿，即使係已經切咗角嘅雄鹿都要小心！
圖片來源：Twitter＠奈良市観光情報
順帶一提，切鹿角祭典（鹿の角きり）係奈良嘅傳統，始於江戶初期，係為咗人鹿安全共處，同避免雄鹿受傷嘅儀式。由於雄鹿發情果陣，性情變得十分暴躁，會以鹿角互相攻擊，甚至傷害居民，所以管理者就訂下幫雄鹿切除鹿角嘅規定！雄鹿嘅角每年都會自然脫落，通常10月就再無血液流通，所以果陣被剪都唔會有疼痛感。不過鹿角係雄性象徵，雄鹿因而會用力掙脫，唔想被切掉鹿角。
4. 鹿會突然跑出馬路
奈良公園內，鹿可能會因為被狗追等各種原因，突然衝到道路上，所以駕駛人士要小心，盡量慢慢行駛！鹿平時都會大搖大擺咁活動，大家過緊路果陣都要小心，盡量比佢地過先，唔好撞親佢地！
圖片來源：Twitter＠奈良市観光情報
圖片來源：Twitter＠奈良市観光情報
5. 唔好咩都餵俾鹿食！唔好留低垃圾！
鹿仙貝周圍都有賣，建議大家去周圍無咩鹿嘅鋪頭買咗先，拆定包裝紙條，因為餵鹿嘅過程好快，鹿會等唔切你拆開包裝就食落肚！
另外，奈良嘅鹿係會食紙㗎！大家要小心手上嘅紙類產物，包括門票、地圖、紙袋，拉好手袋拉鏈。做個有手尾嘅遊客，唔好留低垃圾，好似膠袋、煙頭、廢紙等，以免被鹿食咗，影響佢地健康！
すごく使い道の狭いハンドサインですがお伝えしておきます。
奈良の鹿は手の平を見せると大抵は諦めてくれます。鹿せんべいを買って収拾がつかなくなった方などは是非。 pic.twitter.com/2Db3tDxj2T— よう #365日の百合 (@oshiroi_you) 2015年9月7日
據說好似圖中咁樣，攤開雙手、胸前舉起，俾鹿清楚望到自己無仙貝，就可以令佢地放棄問你拎野食！不過，其實圖中都有惡搞成分，為因最尾果行嘅文字，其實係代表被鹿攻擊嘅反應！（笑）
當地政府以前有製作短片，解說接觸同餵飼鹿群嘅正確方法，大家可以參考一下！（按我看）
About Post Author
