一到秋冬，天氣開始乾燥，喉嚨就會好易唔舒服；加上呢幾日轉凍，就更加易病。對於主修聲樂系嘅同學嚟講，保養好把聲就更加重要。最近一篇日本大學聲樂系同學推薦嘅喉糖特輯就係Twitter上面成為熱話，甚至有多達3萬人轉載。一齊嚟睇下音大生私藏嘅喉糖名單啦！
龍角散ののどすっきり飴（龍角散潤喉糖）
接受度：＊＊
由好耐以前開始就有嘅超經典潤喉糖，因為喺邊度都有賣所以好易買到。中草藥嘅味道同龍角散粉末相似。就算有幾聲咳，食咗佢就會覺得涼浸浸，對潤喉好有效。
官網：https://www.ryukakusan.co.jp/productcategory
カンロ ボイスケア のど飴（Kanro 聲音保養用潤喉糖）
接受度：＊＊＊
由國立音樂大學教授共同開發，專為保養好把聲而研發嘅潤喉糖。唔太甜嘅同時，食完之後都唔會覺得黐住喉嚨，喺平時成日用把聲嘅人入面好有人氣。
官網：https://www.kanro.jp/voice/
健康のど飴 たたかうマヌカハニー
（暫譯：健康潤喉糖 努力麥蘆卡蜂蜜，意指為努力的你打氣）
接受度：＊＊＊
麥蘆卡蜜糖採自紐西蘭同澳洲荒野入面嘅麥蘆卡茶花樹，同普通蜜糖比有更加好嘅抗菌功能。呢隻喉糖就喺今年9月先開始出售，最近更加喺12月2號晚播嘅松子會議（マツコ会議）入面都有音大生提過。
森川健康堂 プロポリスキャンディー （森川健康堂 蜂膠喉糖）
接受度：＊
蜂膠嘅味道好濃，有種刺激性嘅苦味令第一次食嘅人有機會接受唔到。但就係因為呢種味道令人覺得佢好有效，亦有人一食過就愛上呢種味道要一試再試。
官網：http://www.morikawakenkodo.com/propolis/index.html
扇雀飴本舗 はちみつ100％ キャンデー （扇雀飴本舗 蜜糖100%潤喉糖）
接受度：＊＊＊
強調「原材料只有蜜糖！」而莫名其妙令人覺得好勁嘅喉糖。真係有食緊蜜糖嘅感覺。好甜，而且感覺對身體好好（實際上應該真是有益…吧…）。
官網：http://www.senjakuame.co.jp/tokusetu/index.html
潤喉糖之外
除咗潤喉糖之外，音大生亦推薦以下3種物品。
龍角散
呢度唔係講緊潤喉糖，而係藥用嗰隻傳統粉末。音大生亦好推薦，話平時大家都買開嗰隻獨立包裝粉末。
固形浅田飴
同樣有好耐歷史嘅浅田飴。雖然個名叫飴（糖），但係佢就係止咳鎮痛除痰嘅藥嚟，對喉嚨痛好有效。
浅田飴官網：http://www.asadaame.co.jp/medicine/kokeiasadaame/products.html
vicks官網：http://www.taisho.co.jp/vicks/product/
蜜糖
雖然蜜糖好似好普通咁，但係其實佢好勁架！唔單止可以殺菌，仲可以保護喉嚨。甚至聽講係音大入面好似有直接飲蜜糖嘅強者（笑）
出處：https://twitter.com/zarattyo/status/936965106709143553
About Post Author
