繼牛扒，吉列牛之後，今次有LIKEJAPAN特派記者浅井麻里帶大家去食日本人一樣咁出色嘅漢堡扒。今次我哋揀咗呢間山本漢堡扒位於澀谷嘅分店，好老實咁講一句，價位可能比較高一點。
呢間舖頭由「俺のハンバーグ山本」改名而成，相信「俺のXXX」系列大家都有聽過，蘭桂坊就有一間。
店內環境比較優雅，唔會有果班「肉呀，肉呀」嘅大男人氣氛同咋咋聲嘅燒肉聲。
咁第一次嚟到都係要試一試佢嘅名物「山本のハンバーグ」，配藍黴乳酪磨菇cream汁。(1750YEN)一年食到一次已經好開心。
先嚟一個理想，嘩！藝術呀。
再嚟一個現實，保證攝影師呢一行再過幾多年都唔會被取代。由於自己唔係食樣派，由味道行先，反正食咗落肚都唔記得咩樣。
呢間餐廳每一個漢堡扒都會有味噌湯同飯跟，不可不提的是，佢哋白飯係用日本米入面嘅牌子米，宮城縣產嘅「一目惚れ」，每一粒都好似有生命，真係粒粒皆辛苦架。
點解人地又係漢堡扒專門店賣1000yen前後，你又係漢堡扒專門店可以賣差唔多一倍價錢？
首先佢係用鐵板上，漢堡扒size本身睇落唔算好大，用刀將漢堡扒剪一剪開後流出嚟嘅唔只係肉汁，而係cream汁，唔大但見到d汁已經飽，睇得出同食得出準備功夫做得相當足。唔知同大x樂鐵板唔同嘅地方係咩，食到最後都覺得熱辣辣。
由澀谷車站行過去大約五分鐘，大家不妨去試下啦。
特派記者：浅井麻里
山本のハンバーグ 渋谷食堂
東京都渋谷区 渋谷3-6-18 第四矢木ビル
営業時間： 11時00分～22時30分
About Post Author
