寫錯字係人都會，但有時如果寫錯某一兩個字就會令到成句句子意思唔同咗，特別係日文！以下係各大日本網民喺日常生活中發現到嘅爆笑情況，大家去日本玩嘅時候又有冇遇到過呢？
1. 我「祝福」你！
圖片來源：up.gc-img.net
呢個係喺日本自殺勝地青木原樹海度發現到嘅，因為「呪」同「祝」太相似嘅關係，刻字嗰個人自己都搞亂咗，詛咒你變祝福你，成件事即刻冇咁恐怖。
2. 「技」豆
圖片來源：up.gc-img.net
枝豆係日本居酒屋一定會見到嘅料理，用嚟送酒好正！呢個「技」豆好明顯就係枝豆嘅分身，日文都寫到明係「えだまめ」，你呃我地唔到嘅！
3. 人肉之芽
圖片來源：up.gc-img.net
如果唔睇個箱裝緊啲咩，齋睇漢字真係覺得呢個product好得人驚，人肉嘅芽？仲要係中國產！應該唔會有人買！其實呢幾個字係想寫韭菜「ニンニクの芽」，當中嘅「ニンニク」嘅發音同「人肉」都一樣係NINNIKU，但唔知點解寫嗰個咁多手要用漢字表達，結果搞咗個人肉之芽出嚟……
4. 完全睇唔到佢寫乜！
圖片來源：up.gc-img.net
點解唔夠位唔分兩行寫？真係完全睇唔到佢寫乜！有冇日文達人可以出嚟解釋一下？
5. 停車場唔畀停車
圖片來源：up.gc-img.net
停車場唔畀停車？咁個倒車場係用嚟做咩㗎其實？係咪同單車館出面唔可以踩單車嘅道理一樣？
6. 360°全方位防偷睇保護貼
圖片來源：up.gc-img.net
360°上下左右都睇唔到，咁用嗰個睇唔睇到？定係要唸句咒語先睇到？
7. 超可愛語氣
圖片來源：up.gc-img.net
「ち」同「さ」係好似樣，好多初初學日文嘅人都會唔小心撈亂。呢句正寫應該係「ください」先啱，整嗰個就寫咗做「くだちい」，語氣即刻唔同哂，女人味爆發好可愛！
8. 老闆有語言障礙？
圖片來源：twitter.com/thaumaturgy_k_s
「つ」同「っ」外表一模一樣，但其實超級唔同，大啲嗰個讀音係「tsu」，細嗰個就唔發音但有將前面個尾音縮短少少嘅功能。「あつあつからあげ」原本係熱辣辣炸雞咁解，但如果寫成「あっあっからあげ」就會變成「啊！啊！炸雞」，跟住嚟讀搞到連自己都有語言障礙咁。
其實本人以前做雜誌嘅時侯都曾經遇上一位強者，就係俗稱老總嘅頂頭阿姐，回稿返嚟久唔久就會出現幾個怪字，為我嘅生活增添唔少色彩同趣味(笑)，今日借呢個機會同大家分享吓。
「枝」同「技」傻傻分不清嘅情況都有喺我阿姐身上出現……
呢個好易估到啦，佢好明顯係想寫地「域」
阿姐想寫「炒」，但佢寫咗「妙」，好彩我夠醒估到佢想寫咩
當阿姐完全諗唔起個漢字點寫，就會直情寫個拼音畀我就算
唔知佢會唔會睇到呢篇野呢？佢應該都估唔到我會珍藏咗佢咁多真跡(笑)。
OTさん、公開しちゃってごめんなさい〜 〜(￣∇￣)ノ
About Post Author
