【廣島】到底咩叫穴子飯?!

一提到廣島相信大家第一時間會諗起島居 – 世界文化遺產的海上神社
但係宮島除咗睇島居同嚴島神社之外 , 原來宮島嘅商店街好多嘢行㗎 , 由其特別多小食
而宮島有三大名物, 第一個係烤牡蠣, 第二個係穴子飯(星鰻好似鰻魚咁) , 第三個係楓葉饅頭
今次先同大家試下穴子飯先

出發之前當然有資料搜集下啦 , 最後就搵咗「いな忠」，由宮島碼頭行過去大約10分鐘左右 , 沿路就已經係商店街 , 行過去嘅時候一啲都唔悶㗎~

「いな忠」裝潢比較古色古香好有日式風味呀

入門口前會見到師傅即場燒緊穴子飯嘅星鰻
唔怪得未入門口見到聞到啲香味啦

行咗一陣商店街其實已經有啲攰咁啱安排咗香港人稱呼為<卡位>嘅位置 , 坐得特別舒服 YEAH~

坐底無耐已經有日本熱茶奉上唔知係咪隔離飯香呢? 點解我覺得日本啲茶都特別好飲嘅~

師傅知道我地係唔係本地人所以好熱情的問我需唔需要英文餐牌果然好貼心呀

最後我點咗依一份啦~ 估唔估到係咩呢??

標題講到明穴子飯咁當然係傳說中嘅星鰻飯啦~ 用左一個好傳統嘅便當盒 , 一打開已經傳出一陣香味啦

當然要同主角(穴子飯)合照啦!

發現穴子飯(星鰻)比平時嘅鰻魚飯嘅鰻魚幼細啲而口感星鰻啲肉比較實身啲

再比大家睇下係咪比正常嘅鰻魚細好多呢但份量係成正比嘅 , 飯入面最少都有7塊星鰻似入面㗎~

鰻魚飯另外一個重要精髓就係飯啦~

佢地嘅飯已經有晒鰻魚醬煮好 , 粒粒飯都入晒味
唔洗用任何醬汁已經好好味好正呀~

「いな忠」店嘅環境好有日式味道又有包廂 , 仲有二樓地方夠大唔洗驚有排等位~

收銀位置仲有好多關於廣島宮島嘅書如果我睇得明日文一定會拎嚟睇 HAHA

係「いな忠」我只係叫個穴子飯 , 因為一心想試下宮島特產同埋留個肚食牡蠣 , 穴子飯價錢係1800円(約130港幣) , 其實份量唔算大但女仔絕對夠食 , 男仔的話可以叫埋其他小食嚟填肚 , 但如果將穴子飯同正常鰻魚飯比較 , 我個人比較鍾意普通鰻魚飯 , 因為鰻魚比較大肉質啖啖肉 , 如果你地平日鍾意肉身比較實身的話星鰻啱晒你地!!! 不過嚟到宮島係真係好值得一試㗎~

「いな忠」

地址：広島県廿日市市宮島町 507-2
營業時間：10:30～15:30

鳴謝Expedia~~