富士山，日本人眼中嘅神山，亦係來自全世界遊客都會想去一次嘅地方，不過如果想上富士山玩，特別係跟團玩嘅話，一般都係會先係山腳嘅山中湖過一晚。不過可能有人唔知道，其實山中湖有間酒店，係猛鬼到衝出國際XDDDDDDD
由於山中湖本身就冇幾多間酒店，所以睇緊呢篇文嘅你隨時都可能去過！
由於酒店仍然在營業當中，所以名就唔開啦(其實全名好易搵到XD)，本文姑且稱為「某星酒店」啦。
其實呢間酒店係國外就出晒名啦，仲多次打入唔同傳媒嘅「猛鬼酒店排名」前列添。其實而家個氣氛已經相對冇咁恐怖，因為佢早10年左右重修過一次，重修之前酒店間間房都有塊「貞子娘親」嗰種大鏡同投幣式電視機，都咪話冇氣氛。(不過重修後都仍然有部分房有呢「雙寶」)
至於鬼故……真係你諗到嘅鬼都有人話見過！ 由OL LOOK、長面、短面甚至冇面，由古代武士都二戰軍人到現代打扮都有目擊過案。
其中海外(因為日本係冇咩類似記錄。)一個頗為常見嘅講法，就係傳說好耐之前(話得好耐之前即係唔知幾耐之前啦XD)有個女導遊喺酒店自殺身亡，於是日後久唔久就會發生有住客喺半夜接近清晨嘅時段會被嘈醒。嘈醒嘅方式都唔少喎，由奇怪嘅拍門聲到電視、電器自己開著，再到真係有把女聲叫你都有。
當然傳聞會話係個女導遊盡責叫醒你……
亦有人試過見到半夜窗外有「人」(同得你講梗係唔係地下啦)望入房，而望入房嘅「人」都有好多款喎，由市民到軍人到武士都有人話見到過。甚至仲有人話俾「唔知咩嘢」搖床添。
香港或者華文地區都係會同你講「由於山中湖近樹海同精進湖(即係穿越樹海路徑嘅北面出口)都係自殺勝地嘅關係，所以好猛囉。」，其實都唔遠嘅，去南口30公里有找，行都係半打鐘之嘛。只要你唔問「點解河口湖冇事嘅？」成件事基本係講得通嘅。
所以你問日本人嘅話(本來某星酒店喺日本人之間又未去到街知巷聞，相信係因為某星只接待旅行團，同冇咩日本人去。)，佢哋反而會覺得係同另一個靈異熱點有關，就係「三洋證券洗心寮跡」。
「三洋證券洗心寮跡」建於1992年，現在已經荒廢，以前係某證券公司XD嘅研修設施，自從嗰間公司於1997年破產之後，就一直荒廢至今。
「三洋證券洗心寮跡」先係山中湖一帶真正出名猛嘅猛鬼熱點。其中「山中湖Messina美術館」同地底嘅巨型金庫更加係重災區！ 經常有去「探險」嘅朋友見到有一群又一群穿白西裝嘅「疑似靈體出沒」。當然係咪真係關事，就無從稽考啦。
影片來源：心霊気違/Pchanhikiuke YOUTUBE
About Post Author
