日本人出名創意無限，經常都發明好用又新奇嘅日用品！早前有位居日嘅台灣blogger分享，自己愛用嘅日本家居小物，當中部分都幾得意！嚟緊新年又要大掃除，大家如果行街見到呢啲產品，不防入手幾件啦！
感謝內容提供﹕漢娜在翻譯Facebook / YouTube (請多多支持)
1. 吸濕「泥鏟仔」 / 珪藻土スプーン
珪藻土吸水墊最初於日本興起，因為吸水力高，而且快速乾透，喺香港都十分流行，唔少人用嚟替代浴室墊地嘅毛巾。呢款「泥鏟仔」以珪藻土製成，放喺鹽、糖樽入面，有吸濕防潮嘅作用，而且泥鏟形狀嘅設計可以順便當勺用，可愛又實用！
Blogger就喺Francfranc購入，而日本各大雜貨家具店應該也有賣類似產品~行街時可留意關鍵字為「珪藻土スプーン」！
2. 完全防水檯布 / テーブルクロス
外表係一張普通嘅檯布，但其實佢係好防水嘅家居好物！由於呢塊檯布好防水，就算食野時倒瀉野飲都好，液體唔會輕易滲入，所以只要用紙巾拭走就搞掂，方便打理！
我地隨便喺樂天搵咗類似嘅一款，大家可作參考！留意有「撥水」、「拭き取れる」等字眼，就會買到類似產品喇！
樂天類似產品 （按我）
3. 排水口泡沫清潔劑 / 泡でまるごと洗浄中
呢款清潔劑專門對付廚房、廁所嘅排水口污跡，只要將粉末倒入，加入熱水就會產生大量泡泡，放置30分鐘後用清水洗淨就可以。唔洗落手就去除油污、殺菌再去味，的確係懶人好物！
製品名稱﹕小林製藥 泡でまるごと洗浄中
（圖片來源﹕小林製藥）
4. 萬用除菌噴霧 / イータック 抗菌化スプレーα
除菌噴霧相信大家都唔會陌生，呢支eisai嘅就通過化妝品試驗，即使食咗落肚或者噴咗落皮膚都無問題 ，用得更放心！噴落厚褸、羽絨等無辦法成日洗嘅衣服，毛公仔、洗碗棉、甚至牙刷都可以，而且有效一星期！
製品名稱﹕イータック 抗菌化スプレーα
（圖片來源﹕eisai）
5. 精油洗面皂 / オイルリッチトリートメントソープ
據blogger介紹，呢舊皂由天然精油製成，質地滑潤，濕咗唔會起泡泡，好似做緊臉部massage咁舒服，所以係家居好物之一！而事實上佢都係日本人氣嘅洗面皂之一，拎過COSME洗面類產品嘅第3名。呢舊皂唔只有洗面功能，仲加強保濕，有保養同天然香氛治療嘅效果！
製品名稱﹕ Ikiiki Botanics Oil Rich Treatment Soap （モイスチャークイーン オイルリッチトリートメントソープ）
（圖片來源﹕ikiiki.stores）
About Post Author
