香港人最鍾意嘅宵夜肯肯定係杯麵！去到世界各地定留喺香港都要食杯麵！雖然係人都知唔健康但真係好好食又方便。之前介紹嘅最搶手杯麵反應都幾熱烈，估唔到香港人真係咁熱愛杯麵，所以我見都隔左一段時間，就等我同你地update下呢個「最搶手杯麵排行榜」啦！睇完最好就bookmark／cap定圖，到時去到日本就唔洗心思思揀唔到買邊隻杯麵啦！
第5位.マルちゃん ドラゴンボール超 麺づくり黒い豚カレー
日本人食評：「呢個杯麵牌子出黑豚肉咖喱味真係令我好開心呀！明明係杯麵，但唔知點解有種好新鮮嘅感覺。紅蘿蔔好多又爽口，配料黎講非常唔錯。味道夠鹹又唔會太濃，岩岩好呀！」
我雖然未食過，但幻想落黑豚肉咖喱味又真係好吸引咁喎。
參考價格：180円
第4位：日清 カップヌードル リッチ 贅沢とろみフカヒレスープ味
日本人食評：「雖然杯麵黎講偏貴，個量又唔係特別多，但個湯真係好好味呀。食完個麵之後，我用D剩番嘅湯去撈飯，成年事超掂！如果食佢再加埋其他料理，應該就會變成一餐幾豐富嘅飯啦（笑）！」
呢個杯麵老是常出現！己經喺我地個網出現起碼第3次啦！
參考價格：230円
第3位：明星 スパイスタイム 銀座デリー監修 カシミールカレーラーメン
日本人食評：「個麵係非油炸嘅，相對健康DD咁多。個湯有雞肉同牛肉嘅香味，再加埋咖喱粉好香，個配搭一流！都幾辣但係好好食！而且肉都幾大舊，其他配料又足，一個字——好食！」
日本人真係好鍾意咖喱！連杯麵都咁多咖喱味。
參考價格：180円
第2位：明星 スパイスタイム マンゴツリー東京監修チェンマイカレーラーメン
日本人食評：「佢呢個特別在於湯底，因為喺辣味上用左椰奶去加D甜味，而且由泰國料理專門店監督下完成，係高質嘅少辣咖喱湯底。」
我諗呢個加左椰奶嘅會好食過第3位果個。
參考價格：180円
第1位：明星 麺屋こころ監修 台湾まぜそば 大盛
日本人食評：「粗麵食落非常有口感。鰹魚嘅味道好出，正呀！個辣度唔會太辣，所以即使係唔太食得辣嘅朋友們都一定岩！而且因為都幾大份，食完已經會夠飽啦！」
估唔到第1名竟然係台式撈麵！佢個食法係倒左水再撈調味料。聽講呢個麵要加隻蛋落去食先正，所以唔少日本人都會跟住咁做。要留意嘅係，佢個麵第比一般杯麵粗少少，所以可能就要等多一兩分鐘先食啦！
參考價格：225円
About Post Author
