無論係台版、日版定韓版都轟動亞洲嘅人氣偶像劇《流星花園》，相信大家都有印象掛！呢排日本就傳出電視台即將要翻拍新版《流行花園》嘅消息！雖然未被證實，但就已經引起網民熱烈討論！到底邊個會演杉菜同新F4？
根據日本CYZO報導，女主角會係由19歲女星廣瀨鈴主演，預計2018年4月以春季日劇形式播放！F4人選方面，電視台人員就透露雖然未落實，但就會搵同女主角年紀相約嘅帥氣男星演出，例如老是常出現嘅山崎賢人、菅田將暉同野村周平等。
（左起：山崎賢人、菅田將暉、廣瀨鈴、野村周平）
當年男主角搵黎嵐嘅松本潤，當然新版都會有機會搵番Johnny’s男星演出啦！仲話有機會係Sexy Zone或者Hey！Say！JUMP嘅25歲以下成員添！
雖然見到《流星花園》呢個名已經令人好興奮，不過普遍網民對呢個消息都表示不看好，尤其大家對廣瀨鈴之前於電視節目失言嘅印象仲係好深刻（傳送門：【少不更事？】廣瀨鈴再次失言引起網民圍攻），同埋覺得神作就唔應該重拍，不如直接搵舊班底拍個10年后嘅故事算。想當年《花樣少年少女》重拍都死得好慘。唔知大家又點睇？
資料來源：CYZO
About Post Author
