乃木坂46共14位成員係2月9至12號期間逗留咗4日，
除咗11號係進行首次香港公開表演，大家又知唔知果幾日成員係香港邊到出沒過呢？
就等我地一齊回顧下佢地到訪過香港邊啲地方啦！
Day 1 抵達香港當天
圖片：西野七瀬同櫻井玲香就係到埗當晚率先係尖沙咀海傍一帶進行showroom直播。
圖片：乃木坂46成員乘搭天星小輪既盛況
圖片：齊藤優里上傳咗同成員把握機會品嚐香港著名既蛋撻，仲係演出MC時話自己買咗8個！
圖片：成員亦有親臨會展既乃木坂既展位簽名同拍照留念
Day 2 香港街頭追蹤
第二日乃木坂46各成員似乎都去咗唔同地方取材。
圖片：中田花奈同星野南都分別上載咗佢地同衛藤美彩以及井上小百合去咗旺角鬧區既合照
圖片：生田繪梨花上載咗個人照上官方blog，好似隨便係街到影幾張相都可以用黎出本香港寫真集！
圖片：幾位來港成員都上載咗唔同既相，分享幾日係香港各大小街留下既點滴
總結多位成員係官方blog摘寫有關香港之旅既感想，不論係工作定私人時間，佢地都好享受係香港逗留既時光。
有成員亦表示香港既粉絲比佢地想像中熟悉乃木坂46而感到非常驚喜。
Day 3 C3AFA PRESENTS I LOVE ANISONG 香港演出當日
整趟香港之旅重頭戲緊係乃木坂46有份出演既C3AFA PRESENTS I LOVE ANISONG 香港2018。
尤其係MC環節成員逐一用廣東話自我介紹，好有可能大家都俾是日金句 — 成員既「多謝哂」洗咗腦！
圖片：轉載自乃木坂46官方Facebook，首次香港公演既實況
圖片：秋元真夏上載咗係演出後同松村沙友理既合照。接受不同既訪問同擔任公演既MC，兩位成員應該係學廣東話方面都下咗好多苦功，非常值得敬佩！
相信對於平時較難見到乃木坂46真人既香港粉絲黎講，今次香港既演出會係一個難忘既回憶。
多位成員都表示非常感謝出席talk show同演唱會既粉絲。
佢地都好期待將來可以係亞洲進行巡演，正式再來港見大家同搞屬於佢地既單獨公演！
圖片：乃木坂46官方Facebook上來港成員既大合照
番外篇
圖片：伊藤かりん係blog上發佈香港旅遊既相關圖
原來係大家捕捉緊果14位公開來港既成員既同時，伊藤かりん同佐佐木琴子都秘密咁黎咗香港玩。
伊藤係blog上披露今次已經係佢第四次黎香港玩，而佐佐木就係私底下第一次出國。
佢係團內既「香港通」，曾經有粉絲提問「去香港有咩必須要帶」既時候，其中一個答案就係話唔能夠缺少帶伊藤！
伊藤仲話就連有去過同佢握手既粉絲同佢擦身而過，完全冇察覺到佢地係香港出現。
睇黎故事教曉大家以後出街都要打醒十二分精神，留意下身邊有冇邊個明星經過！（笑）
About Post Author
