人稱「大口仔」嘅香取慎吾，早前受旅發局邀請，於中環創作《大口龍仔》壁畫，仲親身參與揭幕儀式！其實香取慎吾一向好有藝術天份，之前展出嘅個人繪畫作品十分受歡迎，仲獲得首相安倍晉三點名讚賞！今次嘅壁畫加入本港元素，亦係香取首個海外公共藝術品，相信將引嚟各界關注，大家去開中環就記住要去朝聖喇！
適逢3月嘅「香港藝術月」，旅發局就搵咗香取慎吾來港，以《大口龍仔》為名，於中環些利街及荷理活道交界，半自動扶手電梯旁嘅牆身，創作咗一幅壁畫！而3月27號舉辦嘅揭幕儀式，亦係香取自SMAP解散後首個官方訪港活動，引嚟近百名fans圍觀！
圖片來源：香港政府観光局
通宵畫壁畫
香取為保持神秘感，今次係特地秘密訪港！佢連續三晚都通宵畫畫，每晚12點到朝早6點，合共用咗18小時先完成作畫，過程難忘！每日畫完畫，香取就會返酒店休息，所以好可惜地無時間觀光，但都有去飲茶同打邊爐嘅！
圖片來源：香港政府観光局
作品名：《大口龍仔》
提及作品名為《大口龍仔》，香取就話，20年前嚟香港拍電影果陣，fans幫佢改花名做「大口仔」，自己都好鐘意，所以作品以「大口仔」作為要素之一！至於「龍」字，香取就話「希望自己嘅作品好似龍一樣，為香港人同世界各地嘅旅客帶來活力」！
圖片來源：香港政府観光局
作品中，有唔少代表香港嘅符號，好似中文字、＋852、＃hkshingoart等，大家下次經過中環，不仿親身去發掘下仲有咩細節！
其實早於2017年，香取慎吾拍攝日本綜藝節目 #おじゃMAP 果陣，已經去過中上環，介紹區內獨特嘅街頭藝術，留低咗幾條腳毛！ 所以，香取今次亦表示，自己一直受中環區內的藝術吸引，旅發局會邀請佢畫壁畫，有機會再度訪港，簡直係一拍即合！
#おじゃMAP!! 香港。
様々な壁画がある地区でインスタ映え写真を取る一行。
この頃はまだ慎吾がインスタやるなんて思ってもなかったんだよな。これがきっかけで今回の壁画が生まれたなんてすごいよ。
おじゃMAP!!たいせつだよ( ; _ ; ) pic.twitter.com/WSnjxGtxYD— えりつぃん (@eri_crazy4) 2018年3月27日
香取慎吾的藝術細胞
香取慎吾一向藝術細胞過人，自從2017年離開Johnny’s事務所，設立「新地圖」網頁，寓意一步步地展開新嘗試，同時有更多元發展。事實上，香取細細個已經鐘意畫畫，而家比起SMAP時期，更熱衷於藝術創作，可以話兼顧幕前同藝術事業！
早於1997年SMAPxSMAP夏季SP，香取已展示過繪畫實力，同一班青森縣小學生為火車作畫。據說當時錄影嘅staff問香取有咩夢想，佢話自己想畫幅巨大嘅畫，於是後來節目組就安排呢次嘅「夢之列車」作畫！
圖片來源：SMAPxSMAP
圖片來源：青森縣觀光信息Facebook
呢架車而家已經停駛，停留於青森縣五所川原市金木町嘅津輕鐵路嘉濑站，2017年全新填補顏色，仍有好多fans專門去朝聖，追尋自己青春時期嘅回憶！
圖片來源：青森縣觀光信息Facebook
直到2017年10月果陣，香取就於「museum of together」嘅藝術企劃展，首次以「藝術家」身分展出兩幅個人繪畫作品。當時連首相安倍晉三都有讚賞佢嘅作品，話色彩優美、極具個性，期待慎吾畫家以藝術家身分繼續活躍發展！
「火鳥」
青山のスパイラルガーデンにも行って来たヨ！！！！！！火の鳥の方が好きかな〜〜〜( ＾∀＾)よーく見ると絵の具の立体感が?素敵ですよ( ＾∀＾)！！！！#ミュージアムオブトゥギャザー #香取慎吾 pic.twitter.com/QeWApNJFQY
— い も . (@moi_smap) 2017年10月28日
「快點，還來得及」
そういえば慎吾くんの絵をCamScannerというアプリで撮ったもの！スキャンほどではないけど普通のカメラよりスキャンした感じになった〜！来週カルティエ行けたらまたこれで撮る！ #新しい地図 #ミュージアムオブトゥギャザー #SMAP pic.twitter.com/c7LYY2oAnn
— みいすけ (@gng1ikmn) 2017年11月11日
而外界對香取嘅創作，都一致好評，估唔到香取執起畫筆時，可以畫出個充滿童趣嘅美麗世界！
今次嘅《大口龍仔》壁畫，係香取首個於海外嘅公共藝術品， 對於香取嚟講可以話係新嘗試，十分有意義！希望未來可以見到更多香取嘅新面貌，無論係「藝術家」定係「藝人」都好，開拓更廣嘅「新地圖」！
About Post Author
