![[不敗日記]超重口味！巨乳女僕cafe！](https://www.likejapan.com/wp-content/uploads/2016/03/thumbnail/593_20160914113431.jpeg){kind=small}
唔知大家之前有無睇我係Facebook段live片呢？
3月21日，我人生第一次去女僕cafe咋！！！
為咗有個難忘回憶，我就決定去呢間！巨乳女僕cafe！
先俾大家睇下個環境先～～
![[不敗日記]超重口味！巨乳女僕cafe！](/2016/03/editors/296/20160328173236_TJojklBK.jpg)
![[不敗日記]超重口味！巨乳女僕cafe！](/2016/03/editors/296/20160328173236_DwWueMWx.jpg)
![[不敗日記]超重口味！巨乳女僕cafe！](/2016/03/editors/296/20160328173236_b8W4Wt0s.jpg)
![[不敗日記]超重口味！巨乳女僕cafe！](/2016/03/editors/296/20160328173236_n9oVQoGQ.jpg)
![[不敗日記]超重口味！巨乳女僕cafe！](/2016/03/editors/296/20160328173236_OT70j6Ft.jpg)
其實佢地好可愛㗎～好鍾意同佢地傾計～
（喂！講明！貓耳果個係我黎㗎！）
我讚佢地好可愛，佢地面都紅埋，個表情真係好萌（掩臉）
對住佢地，我內心完全係一個大叔！！有無人明！？
傾計時，問咗佢地好多野～
係到做女僕係要咩條件？
話要BMI有25以上先可以做，一般女仔應該係22～
BMI = 身高體重指數，單位：公斤/平方公尺
你係幾多呢？我就做唔到女僕喇！哈哈哈哈！
（曲線話自己好標準！低B㗎我！）
點解咁想做女僕嘅？
以前去其他女僕店，都好想好似店員咁著女僕裝工作，但由於身型問題，無辦法成為女僕。
當知道呢間店時，就覺得我一定要係呢到做野！
做女僕有咩事係開心㗎？
呢到嘅客人不但唔介意我地身型，仲話鍾意我地有肉地，聽到佢地讚我地可愛時，真係好開心㗎！
做女僕有無壓力㗎？
因為要留住「主人」嘅胃，所以要係廚藝方面下苦功！
我好中意紫色女僕裝果個女仔，佢叫做ぢをん。
佢俾咗佢卡片我，係透明底，中間印有飯團圖案～
我問點解係飯團嘅？佢話咁就好似拎住黎食咁～
睇相，又真係幾似嘅～
坦白講，我本身唔太中意女僕，覺得好假，成日收兵搵笨！（不喜勿插，請無視！）
但係去到呢到，係覺得好開心！
佢地真係好親切，同佢地傾計時，感受到佢地嘅內在美！
食物方面，我覺得個Pizza真係好好食！值得一讚！
個皮唔硬，唔怕好難咬，軟身，芝士味濃，中間香草碎好惹味！
真心推介大家食！芝士超多！色香味俱全！
1200yen，兌返港紙都係80蚊左右！抵食啦！！！
收費︰
800yen服務費（1小時）
350yen延長附加費（30分鐘）
每小時需要有1個order！
每個order係600yen起！
留意！星期一係休息日黎架！
俾個地圖大家，有興趣嘅巴打絲打都上去試食個Pizza啦！
![[不敗日記]超重口味！巨乳女僕cafe！](/2016/03/editors/296/20160330144823_f9HUfIza.png)
官網︰http://shangrila-akiba.jp/
About Post Author
![[不敗日記]超重口味！巨乳女僕cafe！](https://www.likejapan.com/wp-content/uploads/2018/09/1-1471327241-150x150.jpg){kind=avatar}