![[不敗日記]明星都去！想成名就一定要去嘅神社！](https://www.likejapan.com/wp-content/uploads/2016/04/thumbnail/867_20160420155431.jpg){kind=small}
之前係[不敗日記]向大家報告緣分遊戲，收到唔少祝福，多謝你地！
記得係第一篇[不敗日記]係向大家介紹求戀愛一定要去東京大神宮！！
（未睇嘅話，就快快睇返啦！http://www.likejapan.com/fuhai1）
喇喇喇！咪話我戀愛大過天呀！我都好重視我工作㗎！！！
所以，今次就去神社求事業喇～～
其實，係某人叫我去～（喂！又放閃！？）
花園神社
位於新宿，由車站東口行唔洗10分鐘就到～
識唔識去歌舞伎町？再行前少少就係㗎喇～～
![[不敗日記]明星都去！想成名就一定要去嘅神社！](/2016/04/editors/296/20160419154759_YFDuZWl0.jpg)
神社嘅出入口，都有個地圖指示，當有災難發生時，附近邊到有避難所。
好啦，我就行樓梯上去喇～
![[不敗日記]明星都去！想成名就一定要去嘅神社！](/2016/04/editors/296/20160419154759_w977bBa3.jpg)
當日朝早落咗陣雨，地下好濕，差少少就仆……低。好險～
![[不敗日記]明星都去！想成名就一定要去嘅神社！](/2016/04/editors/296/20160419154759_NucSkz0c.jpg)
一上到去，咦！？點解好似怪怪地咁嘅！？
原來頭先果個係後門嚟㗎！哈哈哈！
![[不敗日記]明星都去！想成名就一定要去嘅神社！](/2016/04/editors/296/20160419154759_8jP6AmzC.jpg)
好啦！我行行行就行返嚟正前方喇～
好有霸氣呀！！！真係不得了！！！
![[不敗日記]明星都去！想成名就一定要去嘅神社！](/2016/04/editors/296/20160419154759_m2ZnXekv.jpg)
整返張低B自拍照先～
哎呀！我塊面好圓呀！有無絲打有瘦面秘芨傳授俾我呀？？？
![[不敗日記]明星都去！想成名就一定要去嘅神社！](/2016/04/editors/296/20160419154759_WOS47cXO.jpg)
好喇！考吓大家先！知唔知行到埋嚟，係點樣拜神嘅呢？
搵三枝香插落去？一手拎哂五條繩係咁搖搖搖？
定係多多益善，放張一萬円落去呢？？？
參拜正確方法︰
1‧ 半彎腰鞠躬
2‧ 拎個5円放落去個箱到，點解係5円呢？係因為「5円」同「有緣」嘅發音相似！
3‧ 拉繩搖搖個鈴鈴
4‧ 90度彎腰鞠躬兩次
5‧ 拍手兩次
6‧ 許願
7‧ 90度彎腰鞠躬
8‧ 最後點頭鞠躬
（神社參拜方法大同小異）
![[不敗日記]明星都去！想成名就一定要去嘅神社！](/2016/04/editors/296/20160419154759_yJGFMBww.jpg)
又影返張相先～Yeah～～
希望同某人快d結婚！做日本人妻！！！（又話求事業！做咩第一個願望係求戀愛㗎！？）
希望有日我可以喺日本開Live！企喺Live House嘅舞台上自彈自唱！！！
希望多d人支持我！！！
![[不敗日記]明星都去！想成名就一定要去嘅神社！](/2016/04/editors/296/20160419154759_S0hYR00S.jpg)
一個轉身射個三分波！嘩！唔係！
拜完神諗住轉身走人，就見到身後有得掛繪馬！！！
我發現唔少Bandman都有寫繪馬，都係希望隊Band受歡迎！Good Show！
![[不敗日記]明星都去！想成名就一定要去嘅神社！](/2016/04/editors/296/20160419154759_kzfPVbyZ.jpg)
行側邊樓梯落去，就會見到呢個「御神符授與所」！姐係賣御守、繪馬、求簽嘅地方！！！
![[不敗日記]明星都去！想成名就一定要去嘅神社！](/2016/04/editors/296/20160419154759_osohMSDj.jpg)
紅色果個！「芸道成就守」！超長lo！比一般御守長一半！咩料！？
不過，咁先顯得霸氣！！！成為1000yen～
我當然有買啦～有助我第二、三個願望實現嘛！hehehe～～～
![[不敗日記]明星都去！想成名就一定要去嘅神社！](/2016/04/editors/296/20160419154759_JjzPsKes.jpg)
呢d我就無買喇～影張相俾大家睇睇啦～
![[不敗日記]明星都去！想成名就一定要去嘅神社！](/2016/04/editors/296/20160419154759_GYvLLSJZ.jpg)
我就係隔離個木箱到抽咗支簽～
呀！記得放100yen落去呀～
一打開，見到「大吉」兩個字，開心到我叫咗出嚟！！！
![[不敗日記]明星都去！想成名就一定要去嘅神社！](/2016/04/editors/296/20160419154759_WdCyJCL8.jpg)
![[不敗日記]明星都去！想成名就一定要去嘅神社！](/2016/04/editors/296/20160419154759_mYq299hw.jpg)
以上嘅都係求簽㗎！！！300yen一隻！600yen兩隻！
你無睇錯！係無平到㗎XDDD
![[不敗日記]明星都去！想成名就一定要去嘅神社！](/2016/04/editors/296/20160419154759_bNcTJtC8.jpg)
不過，我都係買咗一對狐狸！男左女右咁擺時，會見到男係寫住「花園」，而女就寫住「神社」！
而簽紙呢～就放咗係底部位置～～
sd咗張相俾某人睇，某人話好可愛喎～（喂！你又放閃！？）
![[不敗日記]明星都去！想成名就一定要去嘅神社！](/2016/04/editors/296/20160419154759_0wYOFTB3.jpg)
之後行過少少，就見到呢個喇～～
係收納大家之前求咗但而家唔想要嘅熊手、御守等等～
我見到有人真係拎大大個熊手放落去～～
![[不敗日記]明星都去！想成名就一定要去嘅神社！](/2016/04/editors/296/20160419154759_bwj0NNx1.jpg)
![[不敗日記]明星都去！想成名就一定要去嘅神社！](/2016/04/editors/296/20160419154759_33bfBUeS.jpg)
行返出去，就見到細細間嘅稻荷神社，於是就入去拜喇！
都係重覆動作咁去拜神許願～～
然後諗住走啦～點知發現入口旁邊……
![[不敗日記]明星都去！想成名就一定要去嘅神社！](/2016/04/editors/296/20160419154759_CGzo52i3.jpg)
なに？何？？咩話？？？
芸能浅間神社
呢到！先係真‧明星必去求成名嘅神社！！！
見唔見到出面寫咗好多人名呀！？
全部都係藝人嚟㗎！！！！！
![[不敗日記]明星都去！想成名就一定要去嘅神社！](/2016/04/editors/296/20160419154759_fqyVSl8A.jpg)
我即刻行入去拜神許願！！！
又再次講出我嘅願望～（心）
聽某人講，嚟拜過嘅藝人，之後都會變得超人氣，都會紅起嚟變成明星㗎！！！
當時我就諗，係咪真係咁堅呀？
估唔到，我拜完之後，返嚟香港，就獲邀請上《恐怖在線》做嘉賓！！！
希望，我三個願望都早日實現！！！！！
我會繼續努力㗎！！！
最近，我開咗個人專頁呀！
我會放吓片上去，自己唱k、彈琴彈結他cover日文歌、日本生活低B片等等～
希望大家Like我個專頁，支持我啦！
歡迎留言、inbox我，講低你想聽我cover邊首日文歌㗎～
About Post Author
![[不敗日記]明星都去！想成名就一定要去嘅神社！](https://www.likejapan.com/wp-content/uploads/2018/09/1-1471327241-150x150.jpg){kind=avatar}