依家日本乜都鍾意搞主題cafe，除咗林林總總嘅動漫主題cafe之外，又點會估到連figure製造商都加埋一腳，今次參與嘅係日本著名figure製造商壽屋(KOTOBUKIYA)，cafe就係開喺壽屋嘅立川本店大樓。今次打頭陣係漫畫《四葉妹妹！》嘅人氣角色兼吉祥物紙箱人(亦稱阿楞)。
睇睇裝修先，用咗落地玻璃，光線充足。
再睇埋入面，裏面裝修滿載紙箱人，櫃、牆都見到佢嘅身影。雖然講figure、玩具會俾人覺得好毒，但呢度就完全無咁嘅感覺。
仲有漫畫任睇
睇睇張枱墊，本來就淺啡色嘅紙箱人放係木枱上簡直融為一體，遠睇簡直以為係印咗上去。
講得cafe當然有食野食飲啦，野飲係雪糕梳打，好似無咩特別。其實野食先係重點，有紙箱人三文治，特登烤到有紙箱人嘅眼同口㗎，係咪好得意！
想食正餐亦有咖喱飯。
cafe只係地下嘅其中一部分，cafe以外就係做返壽屋嘅本業，賣figure。
之後行上2樓，除咗依然有figure賣之外，仲有模型工具，顏料賣。
有好多人氣大作「艦隊收藏」「IDOLM＠STER」「魔法少女小圓」等嘅figure display。
再上3樓就係公司內部空間，不過都劃開部份地方做EVENT HALL，俾大家開交流、研習會、做直播之類。最新嘅活動都係配合返主題－紙箱人造型祭，展示唔同造型嘅紙箱人，例如迷彩款，戰車風等等。
cafe主題預計會定期換，請期待下一個主題。
【營業時間】
週一至週五：11:00-21:00
週六、日及公眾假期：10:00-20:00
紙箱人造型祭
5月1日至5月22日
About Post Author
