上次推介左東京住宿比大家（按我），今次就向大家推介一間大阪嘅住宿叫「上本町四葉旅館」，價錢超平，房間好大，有獨立廁所浴室，而且交通便利，我住左4晚都訓得好好，唯一缺點係有啲殘舊同冇日用品提供。
▼我今次去左HOTELS.com搵住宿，非吸煙雙人房嘅4晚價錢只係＄1073（每晚＄268），我見到個時真係有啲唔相信，真係好平呀，即係每人每晚只係＄134就得啦！！仲要有埋獨立廁所浴室，唔駛SHARE呀！！！不過酒店嘅COMMENT就唔似明月酒店咁一致話好，所以大家睇埋我嘅入住報告啦！
▼呢間就係位於大阪上本町嘅「上本町四葉旅館」
▼門口會有條小樓梯落去先到門口
▼一入去，職員就笑容滿面咁歡迎我
▼職員可以簡單英語溝通
▼登記好資料後就上房啦，有電梯架放心！
▼我住4樓，一層有8間房
▼我就係住403號房啦！
▼一入到去同圖片見到一樣，空間好大，幾個喼打平都放到呀！！
但係我訂非吸煙房係聞到少少煙味，但唔大可接受所以我就冇同佢理論啦～
▼一入到房首先見到係呢張書枱，L型好大張
▼部電視喺上面
▼仲有鬧鐘一小個比埋你
▼書枱格離有暖爐，垃圾筒同拖鞋
▼然後有個小屏風隔住張床
▼屏風上面掛住2個衫架
▼雙人床的樣子
▼見網上有人COMMENT話床褥簿，但我覺得還好，唔算好簿，每晚都好快訓着，無失眠
，不過4日都冇人執房，唔習慣冇人執房嘅朋友就要注意返啦！
，不過4日都冇人執房，唔習慣冇人執房嘅朋友就要注意返啦！
▼打開窗有窗台，出面嘅街景係咁
▼窗台上面有冷氣機
▼然後PAN過去左手邊，你會見到浴室門口同一個組合櫃
▼你話係咪好大先，勁多位置擺野！仲有塊大鏡，熱水壺、2隻杯！
▼雪櫃收埋左係呢道！其實真係五臟俱全！
▼不過當我好奇打開雪櫃格離個嗰櫃就發現左呢啲野，佢收埋左個煙灰缸係道，果然係吸煙房扮非吸煙房
， 最入面仲有一堆布唔知咩黎，我冇深究，不過嚇親竟然有野係入面！！第一個扣分位！
， 最入面仲有一堆布唔知咩黎，我冇深究，不過嚇親竟然有野係入面！！第一個扣分位！
▼然後到大家最關心嘅浴室
▼廁所就當然唔係洗PATPAT廁所啦～普通乾淨廁所一個
▼牙刷牙膏毛巾沐浴露洗頭水所有酒店會比嘅浴室日用品都欠缺，不過一早已經說明，所以我都自己帶黎，相信呢個係咁平嘅其中一個原因！不過如果你冇帶都可以去大堂買！
▼扣分位2，可以見到浴室位置有好多潮濕型成嘅污漬
▼交通配套：
▼個人認為交通非常方便，最近嘅車站係「近鐵大阪上本町站」，行5分鐘就到，撘近鐵去京都奈良非常方便！
▼另外行8-10分鐘左右就會到「地鐵谷町九丁目站」，去難波只係3分鐘2個站就到啦～
▼而最正嘅係喺5分鐘路程嘅「近鐵大阪上本町站」有機場巴士往返關西機場！！來回車費係2800YEN
▼雖然比撘鐵路貴啲啲，但真係好方便呀！
總評：除左浴室嘅污漬同設施有啲殘舊之外，其實我都真係好滿意呢間住宿旅館，咁平嘅價錢真係無得輸，仲有埋獨立廁室浴室真係屈機，再加上有機場巴士差唔多直達咁濟簡直無敵，真係好適合我呢啲廉遊人士，慳埋啲住宿費用又可以食多幾餐好啦！不過注意返，咁平嘅酒店可能需要早啲BOOK先有，因為我係早大半年前已經BOOK定架啦！
《上本町四葉旅館》
地址：大阪府大阪市天王寺区東高津町6-19
About Post Author
