日本嘅零食不嬲都好鬼吸引，而呢排日本人有一個list，就係「最想食嘅美品top10」！當中有D係仲未開始發賣嘅，不過都就黎上架嫁啦，你就當睇定邊D鍾意然後到時去日本買啦！
第一位：（抹茶濃厚芝士撻）
Cherie Dolce 抹茶の濃厚チーズタルト
呢個唔洗問阿貴都知點解會拎第一啦！佢個原版芝士撻鬼咁受歡迎，而呢個仲要係進階版抹茶味喎！仲洗講嘅？不過佢非常矜貴，係期間限定嘅商品，只係賣兩個禮拜咋！咁岩喺日本嘅話真係一定要買黎試下！
佢用左濃厚嘅芝士，配合宇治抹茶，將和式同西式甜品做成perfect match！仲用左白色豆餡，調整左芝士嘅酸味同抹茶嘅苦味。
・2016年5月10日～5月23日，2星期限定。
・OK／Sunkus有售
・參考價格：158円
第二位：（樂天蜜瓜梳打味雪糕）
ロッテ 爽 メロンソーダフロート味
四方形嘅包裝，食落超冰凍嘅口感係呢個杯裝雪糕嘅特點。好似炭酸咁刺激同埋冰涼感嘅蜜瓜梳打雪糕，再加埋超match嘅雲呢嗱雪糕，成個味超爽呀！（如果鍾意蜜瓜味野食嘅就更加岩你啦！）
・參考價格：130円
第三位：（濃厚芝士蛋糕mix雪糕)
グリコ デリチェ 濃厚ベイクドチーズケーキ＆レアチーズアイス
嘩呢個組口會唔會太正呢？又芝士蛋糕又芝士雪糕，真心超吸引！個芝士蛋糕係用左3個種類嘅芝士整成，非常濃厚！好想即刻買啊，口水都滴到成枱係…
第四位：（Tiramisu冰）
セブンプレミアム ティラミス氷
好似真嘅Tiramisu咁濃味！最上層係可可粉，中間係咖啡醬汁，之後就係Tiramisu冰啦！（呢個正呀！Tiramisu不嬲好食，做埋冰就更正啦！）
・2016年4月26日開始發售
・7-11有售
・參考價格：138円
第五位：（黒蜜百力枝）
ロッテ 厳選トッポ 黒蜜きなこ
用左北海道産黒豆嘅豆粉同黑蜜喺巧克力上，味道非常獨特。（不過其實我未試過黑蜜，唔個係咩黎，所以對呢個無乜太大興趣）
第六位：（迷你芝士忌廉牛角包）
ミニクロワッサン レアチーズクリーム
少少脆嘅牛角包入面有軟軟嘅芝士忌廉，呢個口感一定無得頂！如果雪凍佢食，就應該會好味到升天！佢細細個，做零食又得，早餐又得，好想大量購入呀！
・Lawson有售
・參考價格：160円
第七位：（巧克力雪糕）
オハヨー アイス・ショコラ
濃厚嘅生巧克力，同有少少冰嘅牛奶雪糕一齊放入口，絕對係一個新嘅感覺！（可能因為日本夏天真係好熱，所以佢地都真係幾多唔同嘅雪糕食品）
第八位：（高級食材杯麵）
日清 カップヌードル リッチ 贅沢とろみフカヒレスープ味
日清 カップヌードル リッチ 贅沢とろみフカヒレスープ味
呢個無可能未聽過掛！？之前我地網話都有介紹過嘅日清高級食材杯麵，上榜可以話係意料之內！
・參考價格：230円
第九位：（宇治抹茶餅）
やわらかおもちで包んだ宇治抹茶
やわらかおもちで包んだ宇治抹茶
呢個唔係脆卜卜果種餅乾嘅餅，而係好似大福果D有層皮果種。裡面全部都係宇治抹茶忌廉。個忌廉混合左2種抹茶，仲有粒粒白巧克力喺入面，口感超正呀！
・參考價格：116円
第十位：（芝士麵包）
ヤマザキ チーズゴールド
ヤマザキ チーズゴールド
係咪估唔到麵包都有上榜呢！呢隻係山崎麵包，特點就係果D埋喺麵包之中嘅芝士。好似只要有芝士或者抹茶都好大機會上榜哈哈！（其實香港都有呢類芝士包買，所以我無覺得好特別，可能D芝士好好食？）
就係咁多啦！唔知你地最有興趣係邊種食品呢？我個人最想食就係第一位嘅抹茶濃厚芝士撻啦！因為佢包含哂港女最愛 — 芝士＋抹茶，實在係太吸引啦！
About Post Author
