就黎新年喇！巴打們係咪苦惱緊轉咩髮型過年好呢？
有時見到d架仔整個頭幾好，但又怕唔岩自己面型？
返Office工唔可以太長髮，但又唔想整蛋撻頭？
想keep住係草食系男孩形象，但又唔想被改名做坤哥？
今日就等我東方不敗為你介紹2016日本十大型男髮型啦！
總會有一個岩你style既！
第一位！
呢個髮型即使你d頭毛較少，都可以造出呢種濃密效果。
但要留意，髮質柔軟既巴打就唔太岩，因為Gel唔起d頭毛。
另外，咩面型既人都得，就係馬面既巴打唔得！
第二位！
無論係70後、80後定90後，都非常適合！
建議頭毛較為乾旱既巴打如果真係想整呢個頭，要做下焗油修護先！
馬面既巴打可以試下呢個頭！整完之後可能仲型過馬明！
第三位！
呢個髮型咩年紀、咩髮質既人都岩，就係唔岩菱形面既巴打！
另外，頭毛好旱既巴打，都係要做做焗油先得。
第四位！
上班族既巴打可以考慮呢個頭，smart得黎又唔老土！
但係馬面既巴打，真係「舒咪媽腥」！都係無你份架！
第五位！
想做下陽光男孩？呢個都係個唔錯既選擇黎架！
不過就唔岩倒三角形面同菱形面既巴打喇！無理由尖尖尖架嘛？
第六位！
馬面既巴打可以整呢個頭返工！視覺上塊面會拉闊，無咁長形。
不過，亦因為有呢種效果，所以唔岩菱形面既巴打架！
第七位！
呢個髮型超受架妹歡迎！巴打們真係不妨考慮下！
由於會Gel高，所以都係唔岩菱形面既巴打架！
第八位！
唔想金毛既巴打，可以考慮下呢個啡黑色頭。
不過，就唔太岩成熟型既巴打喇。
第九位！
草食系男孩唔太中意Gel頭既話，呢個髮型就岩哂你！
簡單得黎又唔會太薯仔，清新又脫俗！
第十位！
呢個係萬能key髮型，無論咩面型都得！
清爽簡單又唔難打理，岩哂懶得Gel頭既巴打。
巴打們，揀到未呀？
揀到就快d去Salon轉髮型喇！
About Post Author
