大家食薯片嘅時候，會唔會嫌好容易整污糟手呢？一路打機一路食薯片嘅時候，唔想搞到成部機都好油？其實，最容易令隻手污糟嘅時候，就係伸手入包裝袋攞薯片果陣，手背等嘅地方會掂到油淋淋袋背嘅時候。今日就教大家一個方便開薯片嘅方法，令到大家輕鬆食薯片，又無咁易整污糟手。依個包法唔洗用碟，只要係開薯片嘅時候用1分鐘搞掂，真係好方便啊！
日前twitter就有推主KTA009 (傳送門)介紹咗一個獨特嘅開薯片方法，大讚諗依個方法出嚟嘅人係天才。結果佢將圖片、做法上傳twitter，令到好多人都轉推想學！
咁睇係咪覺得好方便呢！依個摺法真係完美活用包裝袋嘅空間啊！以下就係推主介紹嘅摺法！
摺法：
1.開咗上面先
2.將下面嘅邊邊摺上包裝嘅中間部份
3.將入面嘅野慢慢由底推上去，令入面嘅野食可以同袋口一樣高
推主話依個方法有好多好處，依個就係推主嘅用後感：
依個方法唔洗用碟、大家又易攞、好安定。打開時唔洗轉用碟去盛載，唔會整污糟手，基本上唔會擔心會跌瀉，唔洗伸手入袋攞好輕鬆。雖然剩低少少嘅時候有啲難攞，但可以剩返少少之前都攞得輕鬆～
睇完依個方法，唔少日本網友都學咗嚟睇下，大家有唔同反應…
‧我學咗以上嘅方法之後，大家都可以方便食到！
‧其實我推唔到個底上去…點算…
‧我買完野食會去試下！依個真係一個易攞嘅好方法！
‧朋友用嚟整咗個垃圾桶版！好有參考性！
我地Like Japan嘅編輯部都試咗一下依個方法去開一包糖，真係方便又有用！不過小編嘅摺法有啲唔美觀www(因為太細有啲難摺得靚)，請大家唔好介意。
小編覺得要訣係「盡力咁推底部啲包裝紙，塞向底部中央較上面嘅部份」令到個底有推野食上去嘅空間就ok！然而依包糖嘅包裝紙並唔大，較難摺，入面嘅糖亦唔重，有啲難安定，不過如果好似推主咁用大包薯片應該會穩定好多！希望大家用完依個方法之後食得開心！
About Post Author
