「視覺系」絕對唔係「忘了愛」既同鄉！

每次同人講親自己中意視覺系既時侯，D人都會O哂咀。(怒)
講起視覺系，大家係咪就會聯想起以下呢D？

染哂金毛，個頭GEL到雀巢咁！？(忍笑中)

再唔係染下紅毛，搽到個咀黑色！？(強力忍笑)
再唔係就黑髮，整個超級撒亞人頭！？(極道忍笑)

以上！絕！對！唔！係！視！覺！系！
呢D係叫殺馬特！係殺！馬！特！

係大陸既非主流打扮！並唔係日本既視覺系！！！
唔好再搞錯喇！！！呢D完全係「忘了愛」既同鄉！

視覺系，日文係ヴィジュアル系，平時會叫做V系，或者VR，多數中意ROCK既BANDMAN都會係呢類打扮。
例如唱粵語歌<<成龍很酷>>唱到房祖明都知既金爆啦！

喇！雖然最左邊既歌廣場淳係金毛，但絕對唔係GEL到變剪豬頭架！

再黎！睇下以和風做主題黎己龍！

就算個頭係唔同顏色，個咀都唔會係黑色架！
而且服裝都係非常華麗架！
( 注意︰綠毛既九条武政同金毛既一色日和都係男黎架！唔好見到露大脾就以為係架妹！)

好！再俾大家睇多d band既相了解多d啦！

較為青春可愛既SUG！

西裝控牛郎風既SID！

典堂級霸氣既Gazette！

視覺系，雖然無好明確既風格，但係會以服飾打扮、化妝髮型黎配合返band隊既音樂，令整體上達致完美程度！
簡單d講，就係化完妝、Gel完頭，係比原本靚、有型，咁就係視覺系！
相反，如果係整完出黎，感覺好「忘了愛」既，就肯定係殺馬特！

咁而家，你地識得分視覺系同殺馬特未？？？

再講多一次！
「視覺系」絕對唔係「忘了愛」既同鄉！絕對唔係殺馬特！！！