由錦系町車站行15分鐘左右就會到達Shake Tree，即係食霸氣漢堡包嘅餐廳！
大大個招牌好易認
實際佢係一間餐廳亦係一間酒吧
即叫即整
呢個霸氣漢堡包名為Wild Out，真係夠哂Wild啊！（1450円）
再嚟一個近鏡…嘩…啲肉汁多到！食肉獸見到應該會大笑！
食後感：肉味濃、肉汁多，中間塊蕃茄同洋蔥中和咗漢堡扒嘅油膩感，味道啱啱好！唔太咸亦唔太淡！但略嫌肉質唔夠嫩滑
如果係用日本黑毛和牛一定會超好食！
如果係用日本黑毛和牛一定會超好食！
再試多個得意漢堡包先，主要材料係生菜！
就係呢個名為Burger in a Bowl嘅菜菜子漢堡包喇！（1150円）食落覺得好Fresh，加埋凱撒沙律醬，似食緊一個可以用手拎住嘅沙律，呢一款啱鍾意多菜少肉嘅朋友仔
呢度連枝茄汁都霸氣過人！你睇幾巨型！
完全遮住我塊面，冇花冇假㗎
我叫咗Wild Out同Burger in bowl兩款！如果嫌漢堡扒太少，滿足唔到你，見唔見到下面圈住嗰到？你可以加多幾塊漢堡扒或者其他配料，我係網上見到最誇張係有4塊肉包住！
專登係網上搵咗啲相俾你地睇
Photo from @tabelog.com/
Photo from @tabelog.com/有四層肉啊！！！！！嘩！！！！真係唔講得笑！！邊個夠膽挑戰？
成片牛油果！流哂口水喇！
燒菠蘿好好食啊！！！！！
細細件，Tea Time啱哂！
Shake Tree
地址：東京都墨田区亀沢 3-13-6 岩崎ビル1F
電話：03-6658-8771
營業時間：11:00 – 15:00（14:30 L.O）及17:00〜23:00（L.O.22：00）
是次消費：3250円／HKD$227（晚餐2人量）
好味指數：★★★(3)
評語：食物味道還可以，漢堡扒肉味濃、肉汁多，中間塊蕃茄同洋蔥中和咗肉嘅油膩感，味道啱啱好！唔太咸亦唔太淡！但略嫌肉質唔夠嫩滑如果係用日本黑毛和牛一定會超好食！雖然味道唔係頂瓜瓜，但勝在多選擇，可以自己添加配料，而且款色夠特別，係呃Like之選！適合朋友們或者情侶去！
評語：食物味道還可以，漢堡扒肉味濃、肉汁多，中間塊蕃茄同洋蔥中和咗肉嘅油膩感，味道啱啱好！唔太咸亦唔太淡！但略嫌肉質唔夠嫩滑
如果係用日本黑毛和牛一定會超好食！雖然味道唔係頂瓜瓜，但勝在多選擇，可以自己添加配料，而且款色夠特別，係呃Like之選！適合朋友們或者情侶去！評分標準:
★★★★★：超好食；大滿足，會推薦俾親朋戚友
★★★★：好食；一路食一路覺得滿足，下次會想再去
★★★：普通；可以去亦可以唔去
★★：麻麻地；可以一試，但唔好太大期望
★：難食；唔會想再去
★★★★★：超好食；大滿足，會推薦俾親朋戚友
★★★★：好食；一路食一路覺得滿足，下次會想再去
★★★：普通；可以去亦可以唔去
★★：麻麻地；可以一試，但唔好太大期望
★：難食；唔會想再去
About Post Author
