早排喺香港上映嘅電影《明天，我要和昨天的妳約會》（僕は明日、昨日のきみとデートする），喺日本勁收30億日圓，都算係個唔錯嘅成績。由於近年聖地巡禮嘅風氣可謂愈來愈盛，往往為「當地」帶嚟可觀收入，加上電影同原著小說一樣都係以京都為主舞台拍攝。於是官方網頁就特別更新咗取景地嘅散步地圖，方便大家去旅行。故事發生嘅時間係3月，一齊睇下佢地去咗邊啦！
1.宝ヶ池駅（寶池車站）
男女主第一次相遇嘅地方，話說男主角高壽喺呢個車站第一次遇到女主角愛美就已經向佢告白，所以呢個車站對兩個人嚟講都係個好重要嘅地方，而呢個地方亦同時有在小說出場，不過設定上就有少少分別，不過由於好孩子係唔會劇透嘅關係，於是只好留待各位自己發掘啊。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
2.宝が池公園（寶池公園）
寶池公園對男主角嚟講係充滿回憶嘅地方。話說拍攝期間就曾經發生過一段咁嘅插曲，話說喺電影拍攝期間，劇組曾經因為池面結冰而令鏡頭唔連貫，最後要由staff坐船劃破冰塊，才可以繼續拍攝。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
3.京都精華大学（京都精華大學）
男主就讀嘅學校，而大學本身為網友認識嘅其中一個原因係因為佢係日本首間有漫畫學部嘅大學，大學本部位於京都市左京區岩嘅倉木野町，係京都有名嘅私立大學。靜靜話大家知，校舍內悠悠館（悠々館）嘅學生食堂係容許一般人幫襯的
男主主修畫卡通畫。圖源：http://www.kyoto-seika.ac.jp/edu/manga/cartoonart/
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
4.京都市動物園
男主畫長頸鹿素描嘅地方，小說中也有出場。
前往方法：於京都站坐5．100系統市巴，於「岡崎公園 動物園前」落車，步行2分鐘
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
5.柳小路
拍拖去古董店嘅時候行過嘅街，離四条河原町５分鐘路程。裏寺町通及新京極中間嘅窄巷，因集合咗多間室內裝飾及雜貨店而出名。
前往方法：於阪急 河原町站落車，步行2分鐘
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
6.茶山駅
男主角租住嘅地方附近嘅車站，為叡山電鐵嘅車站。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
7. Sowgen brocante
兩人初次拍拖行入去嘅鋪頭，有嚟自古今中西嘅物品。雖然最近系列店嘅大型家具中心於四条開幕，不過仍然無損呢間北白川店嘅人氣。
前往方法：叡山電鐵茶山站起步行10分鐘
http://kyotofurudouguichi.com/shop/389.html
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
8.三条大橋（三條大橋）
第一次拍拖約見嘅地方，由於位處京都中心，一般人流都非常繁忙。
前往方法：市營地鐵東西線「三条京阪」落車即到。或坐京阪電車於「三条」落車。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
9.京都みなみ会館 （京都minami電影院）
拍拖去嘅電影院
前往方法：JＲ京都站(八条口出口)徒步約20分
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
10.さらさ西陣 （Sarasa nishijin Cafe）
拍拖去嘅Cafe，總共去咗兩次。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
11.一本橋
第一次拖手嘅地方。拍攝嗰陣最先決定嘅取景地。
前往方法：於京都站乘坐5系統巴士往前往一本橋。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
12.古川町商店街
一齊去超市之後行返去嘅路上有出現過。
前往方法：乘坐京阪電車於三条站落車，徒步5分鐘
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
13.京都府立植物園
男主向女主提出想同佢交往嘅地方。由於表白嘅時間係夜晚，喺燈光嘅映照之下真係好浪漫呀！
前往方法：於京阪「出町柳站」乘坐市巴士1系統或京都巴士（往「静原」／「市原」），於「植物園前」落車，徒步5分
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
14.伏見稲荷大社
呢個以千本鳥居聞名嘅觀光勝地，係佢地其中一個拍拖去嘅地方。而為咗避開人潮同埋影到符合劇情嘅氣氛，攝製組仲特意喺朝早8點拍攝添。
前往方法：於京都乘坐JR奈良線，於稲荷站下車
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
15. 鴨川デルタ (鴨川「三角洲」)
鴨川「三角洲」亦都係男女主拍拖嘅地方之一，景色優美，亦喺唔少作品嘅取景地。好值得同朋友/另一半一齊去影下相傾下心事！
前往方法：於京阪電車「出町柳站」徒步1分鐘
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
16.三条会商店街
拍拖去睇戲之前食野嘅地方。
前往方法：於JR線「二条站」落車
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
地圖之外
除咗地圖範圍嘅地方，取景地當然仲有唔少啦！官網站就仲提供咗3個。
たこ焼きいっちゃん（日本三大八幡宮嘅石清水八幡宮附近嘅章魚燒店）
男主屋企附近嘅章魚燒店。
前往方法：於京阪八幡市站落車徒步3分鐘
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
ガーデンミュージアム比叡 （比叡花園博物館）
佢地拍拖去嘅地方，可以眺望一帶景色。
官網：http://www.garden-museum-hiei.co.jp/map/index.html
前往方法：JR京都站或京阪電車三条站・出町柳站轉乘巴士，於「比叡山頂」落車
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
ひらかたパーク （枚方公園）
位於大阪，佢地拍拖去嘅遊樂場。係大阪繼USJ之後入場人次排第二嘅遊樂場。
前往方法：於京阪電車「枚方公園」落車，徒步3分鐘
官網：http://www.hirakatapark.co.jp/
About Post Author
