日本夜場熱播動漫歌 免費入場享受音樂

之前有一段日本夜場片(クラブイベント)喺網上引起討論。場內播哈姆太郎、小魔女Doremi等經典動漫歌，引起參加者一齊又唱又跳，場面非常熱鬧。

 

Re:animation11

原來呢個活動係喺啱啱過去嘅11月22號舉辦嘅Re:animation11。每年都會舉辦嘅Re:animation，通稱リアニ（riani），係一個以動漫歌做主題嘅動漫歌夜場活動（アニソンクラブイベント，簡稱アニクラanikura），由2010年年尾開始，每年舉行活動。到依加已經係第11屆；亦曾經喺常規表現場地以外有7次特別活動。呢次活動費用全免，所需資金全靠集資。請嚟動漫歌製作人、唱見、top class DJ等等，陣容非常強大。

 

活動場地：ageHa

今次嘅riani活動就第一次喺ageHa舉行。
ageHa，平時通稱STUDIO COAST，喺2002年12月31日新木場設立嘅多用途娛樂空間。第一個喺舉行嘅活動係ageHa「フェス型クラブイベント」（音樂節）所以一有活動STUDIO COAST就會化身成ageHa。ageHa集合咗世界頂尖嘅音響同照明系統，依加係日本國內最大嘅戶外音樂節舉行場地，每年吸引超過20萬人。所以今次嘅Re:animation規模就更加大喇！

會播咩歌？
動漫歌、動畫bgm；仲有techno, house music 等等嘅舞曲，同埋唔同歌嘅mix。雖然會播舞曲，但並無特別規定要跳舞或者點跳，所以按自己嘅喜好輕鬆享受音樂就好。
2017年4月15號嘅「Re:animation Ex-tream 02」部分播放歌曲：

《不起眼女主角培育法》「ステラブリーズ」春奈るな
《LoveLive! Sunshine!!》「HAPPY PARTY TRAIN」Aqours
《情色漫畫老師》「adrenaline!!!」TrySail 「ヒトリゴト」ClariS
劇場版《黑子的籃球 LAST GAME》『劇場版黒子のバスケ LAST GAME』「Against The Wind」小野賢章
《夏目友人帳 陸》「フローリア」佐香智久
《進撃的巨人 Season2》「心臓を捧げよ！」Linked Horizon

 

要點參加？
最近兩屆Re：animation 活動嘅資金都採用集資形式，所以唔收入場費。

只要喺活動舉行當日到場去接待出示身分證明文件同埋檢查行李，同時支付ageHa會場最低消費（一杯飲品）就可以喇！
不過因為呢個活動喺深夜舉行，所以未成年（19歲或以下）就唔可以參加。

其他注意事項
－可以用場內更衣室準備cosplay
    cosplay詳情：https://reanimation.jp/contents/event/cosplay
－由於場內人比較多同密集，平時睇live嘅大動作mosh、dive同御宅藝就最好避免喇。
－要注意遵守ageHa場地規則。

支援者意見
雖然活動可以免費入場，但唔少人都會比錢支持。有網民就分享佢支持嘅原因：
1.支持自己鐘意嘅DJ
2.可以優先入場，喺近舞台嘅位置欣賞

「夏の宴」、「冬の宴」（natsu、fuyunoutage）
除咗Re：animation之外，講到動漫歌夜場活動（アニクラ）唔可以唔提每年喺comic market(コミケ)前一日夜晚舉行嘅「夏の宴」同「冬の宴」。

啱啱過去嘅12月28號「冬の宴」就喺鄰近comic market會場東京國際展示場嘅東京「DIFFER有明」舉行。

 

活動內容

ハ ム 太 郎 #冬の宴 pic.twitter.com/JyJgkVUD8h

— Note. 1/6(土) #フリスペ (@note_dnb) 2017年12月28日

「夏の宴」同「冬の宴」係規模比較大，一齊嚟睇下28號活動嘅時間表。

點樣參加？
「夏の宴」同「冬の宴」由以動漫歌做主題嘅DJ Bar「月あかり夢てらす」經營。入場費係￥4000，門票喺活動開始嘅兩個月前左右會喺「月あかり夢てらす」出售。

其他動漫歌夜場活動
依加有愈嚟愈多嘅同類活動，而當中比較定期舉行嘅除咗Re：animation同埋「夏、冬の宴」之外，仲有アニゲのん同アニソンディスコ。有興趣都可以留意下相關網站架。
アニゲのん：http://anigenom.blog46.fc2.com/
アニソンディスコ：https://ameblo.jp/anisondisco/