大家有冇聽過爐端燒呢？源自日本東北仙台嘅爐端燒嘅最大特色，就係食客會圍住坐喺一個好大嘅炭爐「圍爐裏 いろり」旁邊，直接將一串串食物插喺炭火上燒烤～mika嚟咗日本咁耐都係第一次食咋！
——————————————————–
各種套餐 2000yen起（1人分量）
依間位於山梨縣河口湖附近嘅百年茅草屋餐廳「山麓園」係山梨縣嘅爐端燒名店嚟㗎！今次我地叫咗個「富士」套餐（4000yen），入面包咗岩魚、大蝦、牛肉、鵪鶉、帆立貝等等食物，係山麓園入面最高級嘅爐端燒套餐～想平民啲的話其實都可以叫其他套餐，價錢2000yen起，一樣好豐富㗎！
「富士」套餐（4000yen）
——————————————————–
所有肉類 均無調味
由於所有肉類都係冇調過味，所以大家要一路燒肉一路點秘制醬汁，燒完又點燒完又點，重覆步驟3、4次先會入味㗎～個醬汁甜甜地，同牛肉、鴨肉等等非常之夾，好香好惹味！
——————————————————–
燒鵪鶉可連骨食！
鵪鶉蛋就食得多，但係原隻燒鵪鶉真係冇試過！（連日本人都冇咩機會食㗎～）
「富士」套餐入面可以揀食鵪鶉定魷魚，咁難得緊係要試下未食過嘅鵪鶉啦～店長話鵪鶉啲骨又細又軟，可以連骨食！我覺得食落好似乳鴿同燒雞嘅合體咁，鍾意食雞翼嘅朋友如我就一定like啦～（不過最大舊個啲骨最後冇食晒w）
——————————————————–
山梨名物「餺飥麵」
除咗燒烤之外，所有套餐都會跟一煲山梨名物「餺飥麵」～個湯底好濃好杰，有啲似加咗好多薯仔嘅麵鼓湯咁，麵條食落又軟又滑，比一般烏冬腍同埋扁，忍唔住要添多2碗w 好暖胃啊！！！！
——————————————————–
山麓園
山梨縣南督留郡富士河口湖盯船津3370-1
（河口湖站途步8分鐘）
營業時間：11:00 – 21:00
*逢星期四休息
—————————–
#1 河口湖紅葉祭：
https://www.likejapan.com/
#2 訓住浸都得？！必試富士山絕景 溫泉：
https://www.likejapan.com/
About Post Author
