[日式火鍋] 係時候準備ShabuShabu！ 食物日文名你識幾多個？

 

天氣一凍，就好想打邊爐喇！上次同大家睇完日本燒肉，今次就睇下日本嘅打邊爐—しゃぶしゃぶ(shabushabu，涮涮鍋)，順便一齊學下食涮涮鍋嗰陣會見到嘅日文啦！

平時打邊爐一水滾就會將想食嘅嘢放曬入去；不過日本嘅涮涮鍋就唔太一樣，會食嗰樣煮嗰樣。用筷子夾住嘢食喺湯入面左右移動發出嘅聲音相傳亦係shabushabu嘅來源。食材方面，傳統嘅主要有牛肉、蔬菜同菇類。豬肉、雞肉都好常見，用豬肉嘅會叫「豚しゃぶ, butashabu」。另外亦有河豚、章魚、油甘魚、鯛魚等等作為刺身食用嘅海產類。涮涮鍋一般會將肉、魚類切成薄片，方便煮熟。

肉類

以下介紹幾個喺涮涮鍋餐牌入面常見嘅肉類名。

カルビ (karubi) 肋骨之間嘅腩肉

ロース (rōsu)  由肩膀到腰嘅背肉

もも (momo) 髀肉

もつ  (motsu) 內臟

*各部位對應圖片、名稱詳見燒肉文（傳送門：https://www.likejapan.com/nikuna）

蔬菜

菜、菇類同根莖類都會喺涮涮鍋餐牌入面搵到。以下介紹幾種蔬菜嘅日文。

日	春菊 shungiku	白菜 hakusai	レタス retasu	キャベツ kyabetsu
中	茼蒿/ 皇帝菜	紹菜、黃芽白	西生菜	椰菜
日	蓮根 renkon	人参 ninjin	えのき enoki	しいたけ shiitake
中	蓮藕	紅蘿蔔	金針菇	冬菇

海產類

魚類一般會用整刺身嘅白肉魚，例如河豚(フグ?fugu)、油甘魚(鰤, buri)、鯛魚(鯛, tai)同海鰻(ハモ, hamo)等等。除咗魚之外，蟹 (カニ, kani) 、章魚 (タコ, tako) 同蝦(海老/エビ, ebi) 都比較常見。同打邊爐唔同，涮涮鍋會將魚類切成比刺身更薄嘅薄片，蟹、蝦亦都會去殼切細舊。

湯底（鍋つゆ, nabetuyu / ベース, bēsu ）

其中一個最令人覺得涮涮鍋特別嘅地方，要數各種湯底口味，佢地大部分可以喺日式超市搵到。例如豆漿高湯 (豆乳だし, tounyuudashi)、味噌(miso)、昆布高湯（昆布だし, konnbudashi）等等，最近就算喺日本鋪頭都可以搵到四川麻辣、雞湯同泡菜味。

調味料

調味料可以細分成醬 (タレ)同加入醬嘅材料 (薬味)兩種。

醬 (タレ, tare)

柚子醋(ポン酢/ぽん酢)、麻醬(ごまだれ/胡麻だれ)、紫蘇梅醬(梅しそだれ)、味噌醬(味噌だし)

加入醬嘅材料 (薬味, yakumi)

喺煮餸嘅時候嘅「薬味」一般指中國嘅香辛料，例如薑 (生姜, shouga)、蔥(ねき, negi)、蒜 (にんにく, ninniku)。常見嘅仲有辣椒油 (ラー油, rāyu)、豆板醤(tōbanjan)、白蘿蔔 (大根, daikon)等等。

*薑蓉、蘿蔔蓉呢類磨成蓉嘅調味料，日文係「おろし」，例如生姜おろし、大根おろし。

日本各地涮涮鍋

日本各地都有用咗當地食材同調味方法嘅涮涮鍋料理。以下介紹3個：

羊肉涮涮鍋 (ラムしゃぶ, ramushabu)　北海道

＝＝＝＝＝＝＝＝＝＝＝＝＝＝＝＝

雞肉涮涮鍋 (鶏しゃぶ, torishabu) 使用名古屋愛知縣特產雞肉 (名古屋コーチン)

＝＝＝＝＝＝＝＝＝＝＝＝＝＝＝＝

海鰻涮涮鍋 (鱧しゃぶ, hamoshabu) 係鍾意食白身魚嘅關西人至愛

最後

打邊爐食到最後，唔知你有冇食下飯、麵類嘅習慣呢？シメ (shime) 日文解作最後嘅意思。鍋料理嘅シメ就係食完曬材料之後加嘅炭水化合物，食埋呢個就會正式食完。

涮涮鍋就會以飯麵類加入鍋入面，吸收之前嘅湯汁再食。例如飯會加雞蛋煮到半熟，變成雜錦飯「雑炊, zousui」；麵類就一般會加烏冬或者拉麵。