【東京人氣拉麵】無敵家真係咁好食？

旅遊網站TripAdvisor上年頒咗一個名為“卓越認證2015”嘅獎項予 “無敵家” 拉麵店，除此以外，各地旅遊書包括中港台都大力推介無敵家的拉麵，無論朝早定夜晚，定必見到店外大排長龍，到底係咪真係咁好味？

 

 

我當日下午1:00去到…門外已經大排長龍

 

 

光顧食客以中港台遊客為主，只有少部分係日本人

 

趁住排隊期間，係無敵家網站下載優惠劵，會免費送一隻“半熟味付玉子”（即係我哋講嘅溫泉蛋）

 

揀中間有蛋圖片呢格

 

有張優惠劵彈咗出嚟，Order時俾店員睇一睇就Ok㗎喇

 

為咗節省時間，好多要排隊嘅日本餐廳，都會係門外Order定，無敵家其中一個特色係大盛無料（即係免費加大份量喔）

 

我揀咗人氣No.1肉玉麵，有肉又有蛋

 

店外有個可愛圖示話你知，無敵家嘅拉麵嘅與用料同煮法

 

原來店入面好細，只有17個座位，唔怪得之要等咁耐喇（我一個人去，大約等咗45分鐘，愈多人等嘅時間會愈長）

 

標籤上有日文又有英文，因為有唔少遊客幫襯

 

店員會預備一杯清水俾你，如果你想飲茶的話，可以自由加入呢個“茉莉花茶の濃縮”，就會變咗茉莉花茶㗎喇

 

首先介紹一下無敵家嘅拉麵（依書直說），鬆軟厚叉燒搭配調味溫泉蛋，而乳白色高濃度湯底以日本國產豬同雞熬製16小時而成，係店家引以自豪嘅地方。講到咁犀利，今日就等我揭開你嘅蘆山真面目喇！哈哈哈！

 

試下個湯底先，嗯…係幾香濃，但冇乜驚喜…因為普通拉麵店都係差唔多

 

嘩！好大嚿厚叉燒啊！

 

一咬落去…嗯…肥膏入口即溶，但中間嘅肉有啲嚡口同韌

 

再試埋啖麵…拉麵係比較粗果一款…軟硬度適中…但有少少少少鹼水味

 

感想：由於門外經常大排長龍，又有多本旅遊書、雜誌推介，所以我抱有一定嘅期望，加上呢餐係我當日嘅第一餐，係極肚餓嘅情況下應該食咩都覺得好味，但好可惜無敵家令我有啲失望，因為佢嘅拉麵只係好普通嘅一碗麵，稱唔上特別出眾，可能係宣傳策略，或者羊群心理，先至令佢日日爆滿。總結嚟講，多人追捧唔一定好，等45分鐘真係唔係太值得，我嘅經驗話我知，有時小店反而會帶嚟驚喜，如果你都有小店想分享，不妨留言交流一下

 

 

送禮物時間
好耐冇送禮物，今次送「富士山碗 x 2」，只要跟住下面玩法Share呢篇blog就得㗎喇！富士山迷記住唔好錯過！

 

1. 讚好LikeJapan Facebook專頁
2. 註冊成為LikeJapan網站會員
3.瀏覽此博客文章時，點選左方的「分享博客文章」以獲得分享連結
4. 會員可透過各大社交平台及討論區分享連結網址，LikeJapan會統計每條連結的點擊次數，會員也可於博客頁面左方查閱點擊排行榜。
5. 截止時間內的分享連結點擊次數愈多，獲獎機會愈大。如有會員的分享點擊數目相同，將根據系統紀錄最快達到該點擊次數的參加者得獎。
詳細玩法亦可參考此頁
＊如有任何爭議，LikeJapan將保留最終決定權。