公佈2017上半年LOFT BEST COSME大賞！介紹body care、化妝品兩大部門6樣產品

LOFT一向有好多fans，而定期舉行嘅LOFT BEST COSME大賞就特別受注目。排行榜中獲獎嘅都係最賣得嘅商品，所以得獎貨品有一定性價比水準。今次就同大家睇睇2017上半年排行，睇下護膚品/化妝品兩個部門嘅得獎者啦！

BODY CARE

3.OHANA MAHAALO ／愛戀茉莉 古龍香水 ¥ 1700+税

愛戀茉莉以一段甜蜜戀愛嘅開始作為印象製作，除左茉莉之外仲有水果嘅清新同雲呢拿嘅香甜，係夏日嘅清爽之選。OHANA MAHAALO 以「禮物」作品牌概念，提出香水係送比屋企人、朋友同自己嘅一份感謝。可愛精緻嘅包裝令佢成為日本女仔嘅寵兒。

2.FIANCEE／PURE SHAMPOO補濕噴霧 ¥ 1200+税

憧憬可以成為有淡淡番梘香味嘅女性，但又怕噴香水太俗氣？FIANCEE品牌嘅概念係要為努力嘅女性加油，推出嘅PURE SHAMPOO補濕噴霧入面無誇張過濃嘅香水味，反而係溫和嘅淡淡番梘香味，令人耳目一新。

 

1.BOTANIST／植物系沐浴露 ¥ 1000+税

清潔力強嘅同時注重保濕護膚，加上玫瑰、白桃清新又適合一家大細嘅香氣，係BOTANIST熱賣嘅原因。沐浴露嘅細滑泡泡雖然清潔力強，但唔會帶走護膚必須嘅水份；可可脂、乳木果油加上杏仁奶同椰子奶，利用天然嘅植物成份保濕。

 

MAKE UP

3.FLOWFUSH 眼線筆 ¥ 1500+税

利用熊野同奈良嘅傳統與科技而研發出嘅「大和匠筆®」，用八角形嘅鋁圈包住軟硬各異嘅毛而造成，就算第一次畫眼線都可以畫出想像中嘅線條。加中唔沈殿色素嘅配方同埋獨特嘅石榴石美容成分，令它成功獲獎。

2.ANGFA／SCALP-D 睫毛增長美容液 ¥ 1602+税

SCALP-D已經連續4年獲選為不同選舉嘅睫毛美容液部門嘅No.1。厭倦左每日花時間黐假眼睫毛？配合生長週期嘅SCALP-D 睫毛增長美容液可以快速有效增長睫毛，而且避免使用7種對肌膚有負擔嘅色素同香料，每日用都唔怕啦。

1.ORERA／05珊瑚色唇露 ¥ 1500+税

OPERA嘅唇膏唇彩受到廣大群眾嘅一致好評，橫掃多個品牌大獎。質感水潤、唔甩色、唔黐納納都係佢人氣持續高企嘅原因。其中珊瑚色就成功突出獲得第一名。你想唔想試下今期大熱嘅珊瑚色呢？

資料來源