唔少人去日本旅行嗰時都會買好多文具同化妝品返香港，佢地勝在好用而又有保證。一年一度TOKYU HANDS嘅大感謝優惠「HANDS MESSE」就係咁多位可以慳住買買買嘅好機會！
TOKYU HANDS係日本一間連鎖「綜合商場」，文具、家居用品、化妝品等應有盡有，無論當地居民定遊客都成日會幫襯。佢地5周年同10周年嗰時曾經做過2次大減價，慢慢就演變成而家一年一度既HANDS MESSE啦！一連七日嘅HANDS MESSE除左有多款商品減至7折起，唔同分店仲會有限定優惠商品，計劃去邊間之前不妨去今年HANDS MESSE嘅官方網頁check返唔同分店嘅傳單（チラシ）再出擊。
以下就等我地介紹下部分優惠商品，總有一款適合你！
化妝品篇
1. LuLuLun面膜4S／Precious RS（ルルルン フェイスマスク4S／プレシャスRS）￥880＋税
分別都喺5間分店榮獲面部護理第一眠嘅LuLuLun面膜係TOKYU HANDS嘅大熱商品。一盒42塊嘅4S係為咗想有彈性而柔軟嘅肌膚嘅你而設，無論塊面太油定太乾都適合使用嚟調節返，仲係特別推薦俾第一次敷mask嘅朋友。而有32塊嘅Precious RS以日本國產米嘅精華去滋潤肌膚，主要啱返乾燥嘅皮膚啦。
2. Perfectron C-Lotion（パーフェクトロン Cローション）￥1250＋税
同樣喺5間店舖獲得美容液・乳液部門第一位嘅呢款Lotion能夠保持肌膚滋潤，係TOKYU HANDS嘅推介之一。佢嘅成份不含香料同色素，有用家都表示成份令佢安心，用左一年之後決定會繼續買嚟用。
3. MALIBU化妝書（マリブ メイクアップブック）￥880＋税
話就話係書，其實呢個係集眼影、腮紅同陰影於一身嘅化妝工具，有多款顏色可供選擇，無論係自然嘅裸妝定適合去party玩嘅濃妝都無問題，個盒仲附有一塊鏡，方便程度不枉為其中5間分店嘅化妝品部門首位！不過有用家覺得持久力差少少，建議要長時間keep住個妝就三思啦。
文具篇
1. 各種筆款
日本嘅筆出名好寫，本身喺香港都會買嚟用，去到日本仲唔趁平買返幾支？而家所有嘅原子筆、鉛芯筆同簽字筆都有8折優惠，趁開學前又會去日本就唔可以錯過啦！
2. 成人文具福袋（おたのしみ袋 おとな）￥500＋税
只需要一個硬幣，就可以將呢一set文具帶返屋企！佢裏面有貼紙、筆記簿、筆袋等文具，仲有唔同款式任君選擇，送禮直頭一流啦。
3. 京浪漫和服布料文具產品 ￥380＋税
用和服布料包裝住嘅記事貼同袋等充滿住和式風味，同樣係做手信記念嘅不二之選。價錢都相當便宜，適合好多朋友又唔想買啲嘢太頹而失禮自己嘅你。
為咗令顧客有更好嘅體驗，TOKYU HANDS官方網站仲上載咗漫畫去介紹今次嘅HANDS MESSE同佢嘅攻略方法。原來每年HANDS MESSE都好多人㗎，有網民仲係Twitter話排隊排到好似去咗迪士尼咁！因此官方就分享咗5個心得，希望大家都可以買到心頭好啦！
1. 事前check好想要嘅商品
大部份TOKYO MASSE都好大，有成幾層高，產品多到眼花瞭亂 ，人又多，想仔細睇下有咩都可能要花上一段時間。但事前check好想買嘅貨品再案照店舖平面圖計劃好個路徑，到時就唔會心慌慌。而且每一層都可以俾埋唔同層嘅商品嘅錢，唔便續層計㗎。
2. 選擇方便活動嘅衫褲鞋襪
因為TOKYU HANDS好大，著得舒適就自然行得舒適，仲有要帶返個唔使有手拎嘅袋，咁先free到對手出嚟拎你嘅戰利品嘛。佢溫馨提示大家要知道想買嘅嘢喺邊層啊！咩類型嘅商品喺邊可以喺傳單同平面圖搵到。
3. 第一日就好去
因為好多商品都會限量發售，所以建議第一日就去。但錯過左都唔使驚，仲有大把優惠商品等緊你。
4. 去多幾間分店
每間分店都各自有唔同企劃，在庫情況都係唔一樣嘅。去多幾間，就大啲機會買到心頭好，又或者攞到唔同著數。
5. 買曬一年份嘅商品
HANDS MESSE一年淨係得一次，緊係要比握機會買曬一年份，咁就唔使冇折嗰時捱貴啦。會員仲可以儲積分?！
HANDS MESSE
日期：8月24日（星期四）～8月30日（星期三）
*沖繩「那覇メインプレイス店」同「宜野湾コンベンションシティ店」會喺9月14日（星期四）～9月20日（星期三）舉行
店舖資料：請見HANDS MESSE官方網站
About Post Author
