「真•喇叭」！ 藍牙接喇叭「卡拉OK鳥居」有得睇有得玩!!

「鳥居播歌」唔知大家有冇見過？ 位於德島縣嘅神山町，就有一個由喇叭砌出嚟嘅鳥居，真係遠睇已經「型」到爆！ 唔知係咪用嚟同「音樂之神」溝通呢？

不過其實呢個就唔係正式嘅鳥居嚟，而係一件藝術品。呢件藝術品係由美國藝術家Benoit Maubrey創作，Benoit平時就已經成日攞啲喇叭去砌唔同嘅藝術品。而今次呢個鳥居「Karaoke Torii」就係佢用嚟參加2015年嘅神戶藝術雙年展嘅作品。

今年1月呢個卡拉OK鳥居就移師咗去四國嘅德島縣神山町擺放，直到佢壞機為止。而叫得「卡拉OK鳥居」，播歌就梗啦！ 只要以藍芽連接喇叭，就可播出想單嘅音樂。