由東京去日本國內其他地方好多時候都會用東京站坐電車或者新幹線，
而除咗新幹線入面嘅便當之外，東京站入面都有好多好好食嘅店鋪，
今日就同大家去到佢哋「拉麵街」內最有人氣嘅濃厚豬骨沾麵「六厘舍」！
「六厘舍」係位於東京站B1嘅「拉麵街」內，大約11點去到個陣已經係大排長龍啦！
不過因為店內好多客人都係食完即走嘅關係，所以就算係大排長龍都唔洗等好耐就可以入得去～
Menu有幾款唔同嘅沾麵同拉麵可以選擇，而最出名嘅就係佢嘅「得」製沾麵 ，而其他仲有辣沾麵，蝦味沾麵等等～
「得」製沾麵 (¥1060)
（竹筍係另加～）
佢哋嘅沾麵湯底都係用特濃豬骨同木魚碎魚介類煮成，加叉燒，豬肉，溏心蛋配料同彈牙超粗麵，口感口味一流！
湯底雖然感覺上好濃，不過濃得嚟食完完全唔會搞到個胃覺得好唔舒服㗎～
另外如果鐘意食蝦嘅朋友可以揀蝦味沾麵(¥930)，佢哋會另外俾一個蝦味香油你倒入湯底，蝦味超濃郁！
而佢哋最特別嘅就係有一個早餐沾麵(¥630)，早上7點半至9點半限定提供，用15%減量嘅食物纖維專用麵，唔會太Heavy，好啱早餐食㗎！
仲有去佢哋到食完覺得好食，可以買手信拎返去自己整，重溫六厘舍沾麵嘅美味～
「六厘舍」營業時間係7:30～09:45（L.O.9:30）（早餐沾麵）同埋10:30～23:00（L.O.22:30）
就算係早班新幹線嘅朋友都可以去試㗎～！
地址：東京都千代田区丸の内1-9-1 東京駅一番街 B1F 東京ラーメンストリート内
去日本旅行，影靚相打卡出Post呃like少不免！如果大家買旅行sim卡，可以考慮呢款3HK「日韓」漫遊數據儲值咭
7日內3GB data任用，最緊要即插即用唔駛set咁多嘢，用日本最大網絡供應商 Docomo support 4G LTE速度夠晒快！搵路、上網、睇片都絕對暢快！
而家買2張仲有7折只需$226，出發前同朋友一齊買啱晒！詳情可以參考：
https://www.likejapan.com/eatandsim
About Post Author
