買甜品做手信向來都係去日本旅行嘅指定動作，不過一樣食物除咗本身嘅味道之外，食客對製作嗰個人嘅印象其實都係好重要喎！ 好似佐賀呢款叫做人妻布甸嘅手信，最近就成為日本網友嘅話題啦。
其實呢款手信一早就已經成名！ 好似上年由代購網站「47CLUB」舉辦嘅「咁都得！ 大獎2016(こんなのあるんだ！大賞２０１６)」，呢個來自神埼市YAGURA壽司嘅手信「佐賀人妻布甸」就成功進佔九州／沖繩組別嘅第2位。
呢款布甸係以100%佐賀牛奶同蛋黃製作，不過除咗佢嘅味道之外，其實個名夠吸引都係一個受歡迎嘅重大原因。「佐賀人妻布甸」，一聽就知全部係由佐賀嘅人妻們親手製作啦(吓？)，一諗起個製作過程已經令人心矌神怡。官方仲強調雖然佢地因為係素人所以唔能夠「出樣」，不過就保證經佢地白魚一樣嘅指尖經手嘅食材一定能緊緊抓住大家嘅心喎。
佐賀人妻布甸商品包括(價錢為YAGURA壽司店內售價)：
真由美的奶黃 390日圓
よしえ的抹茶 450日圓
いづみ的低因咖啡 430日圓
陽子的克里曼丁紅柑 430日圓
真由美的提子冧酒 420日圓
佐賀人妻味道比併包(5款套裝) 2100日圓
啲布甸淨係睇名已經令人流晒口水(對啲布甸)，再加埋一直強調唔會畀大家「見樣」嘅人妻們，最近終於都「露真身」公開照片(真係本人!?)，唔怪得吸引到咁多人注意囉XD
About Post Author
