今次我地嚟到日本環球影城參加夏日派對！今年夏日派對有Minions、同埋Jump幾位主角人物同你渡過炎炎夏日～
首先今次同大家介紹一下有咩食同買啦！
今年夏天Minions都會出爆谷桶，今次個爆谷桶有個鴨仔水泡，好有夏日feel啊！2980yen
另外cafe都有Minions可愛造型食物～
Minions漢堡包1890yen、Minions咖喱蛋包飯1890yen
另外仲有好可愛嘅夏日限定風扇，買嚟解一解熱啱哂！
Jump Summer今次有上年都有參加的 ONE PIECE同龍珠之外，今年仲多咗JOJO同銀魂啊！
ONE PIECE同上年一樣都特別開設咗cafe，個紙碟真係好靚啊～有豬、雞、魚選擇 1790yen～
另外重點有呢個今年新出嘅透明杯～咬緊肉嘅路飛實在太可愛啦！1600yen
至於龍珠都有食物商品賣～
呢個龍珠中華包好靚，份量都好足 550yen
Fans必買！悟空筋斗雲橙味沙冰 980yen
炎炎夏日買嚟消暑啱哂！杯身筋斗雲設計，飲完帶返去做擺設正啊～
另外仲有菲利造型飲品杯2000yen
接著落嚟要介紹今年第一次參加嘅JOJO！
JOJO今次啲商品真係好多好多啊！各款T恤 3900yen
除咗有T恤外，仲有好多唔同類嘅商品
今次同USJ合作出呢隻錶真係好靚好精緻 每款8000yen
仲有女生應該為之瘋狂嘅飾物，耳環、手帶、頸帶等等都好高質
另外仲有耳機、匙扣、咕?、手套、杯等超靚精品
連野食都做得好靚好仔細，fans真係要去一去掃貨！JOJO 餅乾 1500yen
最後到銀魂～
銀魂今次得好少goods，T恤、文件夾同環保袋
T恤 3900yen、文件夾 600yen、環保袋 2000yen
不過文件夾有年份都好值得買嚟紀念～（銀魂大粉絲嘅小編都買咗）
另外有好得意嘅伊莉莎白椰子蛋糕同印有銀、神樂同新八嘅杯~
蛋糕Set 980yen
伊莉莎白個對白有四款，超可愛啊！
商品同食物介紹就到呢到先～下次會同大家介紹埋夏日巡遊、4D影院、talk show等等！唔好錯過啊～
日本旅遊呃like必備
去日本旅行，影靚相打卡出Post呃like少不免！如果大家買旅行sim卡，可以考慮呢款3HK「日韓」漫遊數據儲值咭
7日內3GB data任用，最緊要即插即用唔駛set咁多嘢，用日本最大網絡供應商 Docomo support 4G LTE速度夠晒快！搵路、上網、睇片都絕對暢快！
而家買2張仲有7折只需$226（包埋送貨！），同朋友一齊買啱晒！詳情可以參考：
https://www.likejapan.com/usjsim
About Post Author
