正所謂長江後浪推前浪，藝能界絕對係一個弱肉強食嘅地方！就算係上咗位嘅藝人都有機會俾新一代年輕勢力輕易取代，因為有實力嘅人只要時機成熟機會一到，就能夠迅速揚名天下。Oricon尋日就公布咗2017年上位最快嘅爆紅女演員排行榜，佢哋好多都係靠上半年參演人氣作品以得到觀眾認同嘅，一齊睇下結果啦！
1）吉岡里帆
2）土屋太鳳
3）永野芽郁
4）杉咲花
5）波瑠
6）木村文乃
7）平祐奈
8）中條彩未
9）上白石萌音
10）川榮李奈
榮獲第一位嘅係吉岡里帆！相信大家都對佢喺話題日劇《四重奏》入面飾演皮笑肉不笑嘅惡女有朱印象深刻，而且嚟緊佢仲會同長瀨智也合拍愛情劇《對不起，我愛你》。除咗劇集之外，佢仲深得大型廣告商喜愛，最近廣告接唔停添呀！
排第二嘅土屋太鳳因為演出多套少女漫畫改編作品，呢期keep住有作品推出！之前又拍過晨間劇，加上呢排成日上各種節目宣傳電影作品，佢都算係成為咗家傳戶曉嘅年輕明星架啦～
第三位嘅就係前幾日我哋FB都有介紹過嘅永野芽郁啦！一年前小編介紹佢嘅時候已經覺得佢好可愛同有潛力（參照：[次世代綾瀨遙!?] 超可愛天然系美少女 永野芽郁），估唔到一年來佢已經成為晨間劇女主角，呢一年來更搭檔過好多靚仔男明星拍過多套青春戀愛作品！加上同深田恭子、多部未華子一齊拍電訊公司廣告，經常出現於電視，相信隨著晨間劇推出將會越嚟越多觀眾認得佢呢！
About Post Author
