銷量達500萬部嘅人氣少女漫畫《鄰座的怪同學》將會拍攝真人版電影，並搵嚟新生代人氣男女演員菅田將暉、土屋太鳳飾演男女主角！而東寶電影公司更加透露今次會係菅田將暉最後一次於大銀幕披露校服look！
2012年被動畫化後名聲大噪嘅《鄰座的怪同學》講述勤力愛學習但不善與人交際嘅超級冷靜女主角水谷雫上到高中後認識了自由奔放、被認為是問題青年嘅男主角吉田春。春對雫一見鍾情，但因兩人都不善表達自己的情感，所以與身邊的同學弄出了很多青春笑話。
執導嘅係電影版《我想吃掉你的胰臟》個月川翔監督。佢表示一直以來都好羨慕著菅田同土屋出演嘅其他作品，大讚菅田每套作品都可以演到唔同嘅效果，而土屋坦承直白嘅演技都令佢印象深刻。
小編已經好期待呢套電影，好想知道邊個會演春嘅情敵兼學霸敵人「山賢」（會唔會係山崎賢人XD），同埋係咪真係搵隻雞嚟做名古屋～？ 當年睇呢套動畫都有啲位感動到眼濕濕，希望男女主嘅表現可以將呢份感動帶埋去大銀幕啦！
資料來源：eiga.com
About Post Author
